கலை - இராகலை

சந்தியில் நடந்த கதை

2010-12-20T11:33:00.000+05:30

இது!

சந்தியில் நடந்த கதை

சந்தியே சிரிந்த கதை.

கடலைக்கடந்து ‍ நாங்க‌

சிலோனுக்கு வந்த கதை,

மேடுபள்ளம் ஏறி நாங்க‌

வியர்வை சிந்தி உழைத்த கதை!

அரை வயிறு நிறையாம்

அல்லல்பட்டு வாழ்ந்த கதை,

இருட்டிலேயே எங்க வாழ்வு

இன்னும் இருக்கும் கதை.

துரைமார் எச்சரிக்க,

கங்காணி நச்சரிக்க வாழ்ந்த கதை,

குழந்தை அழும் சத்தம் கேட்கையிலும்

குலையாமல் உழைத்த கதை.

தேயிலை நட்டு வைத்து

தேகமெல்லாம் நொந்த கதை,

தேசம் உயர்ந்தாலும்

வேதனைகள் நிறைந்த கதை.

தலைவர் என்று சொன்னாலே

தலை சொறிந்து நின்ற கதை,

தண்ணியில மிதந்து

தத்தளித்து வாழ்த்த கதை.

அப்பன் ஆத்தா செத்த பின்னும்

அயராது உழைத்த கதை,

உறவுகளை புதைத்த மண்ணில்

ஏறி நாங்க மிதித்த கதை.

இந்தியாவுக்குத் தெரியாது

நாம் இங்கிருந்து சாகும் கதை,

இந்த இலட்சணத்தில்

இந்திய தமிழன் என்று சொன்ன கதை.

ஓட்டுப்போட்டு ஓட்டுப்போட்டு

ஓடாகிப்போன கதை,

தலைவணங்கித் தலை வணங்கித்

தலைமுறையாய் நடந்த கதை.

விலைபோகா மனிதர் நாம்

வீதியிலே நின்ற கதை,

உழைப்பெல்லாம் உணர்வாக்கி

வீராப்பாய் இருந்த கதை.

லயம் லயமாய் மக்கள் வெள்ளம்

சந்தியிலே சேர்ந்த கதை,

சம்பளத்தை கூட்டச்சொல்லி

சத்தியாக்கிரகம் இருந்த கதை.

உறவுகள் பசித்திருக்க‌

உறுதியாய் நின்ற கதை,

உரிமை என்று கேட்டதை

உலகமே அறிஞ்ச கதை.

சம்பளத்தை எதிர்பார்த்து

சனமே வீதியில நின்ற கதை,

ஒத்த ரூபா சம்பளத்தை உயர்த்திவிட்டு

த்லைவர்கள் கோசம்(வேசம்) போட்ட கதை.

கிம்பளத்தை வாங்கிக்கிட்டு

சம்பளமே இல்லனு சாமிங்க சொன்ன கதை,

சரிதிரமே வாய்விட்டு அழுத போதும்

சரிங்க சாமி போட்ட கதை.

மல்லியப்பூச் சந்தியிலே

மக்கள் வெள்ளம் திரண்ட கதை,

தேசம் வளர்த்தவங்க தேகம் நொந்து

பரம்பரையாய்ச் செத்த கதை.

இது

சந்தியிலே நடந்த கதை

சந்தியே சிரிச்ச கதை,

சாமி எல்லாம் சேர்ந்து

நமக்கு சமாதி செஞ்ச கதை.

திரு.மை.பன்னீர்செல்வம்
நூல்- சில முகங்களும் பல முகமூடிகளும்.
http://ckalaikumar.blogspot.com/2008/11/blog-post_09.html

மரணம் செதுக்கிய உயில்

2010-04-07T23:43:00.000+05:30

என் மனதுள் நுழைய
முனைந்து முனைந்து என்னால்
வுpரட்டப்படாமல்
வாசலில் நிற்பவனே!!

உனது அன்பின் ஆழம்
மாவலி கங்கையின் நீளத்திலும்
நீளமானது
அறிவேன் நன்கு.

என் விழிகளில் விழிநுழைத்து
முகம் புகழ்ந்து
பருவத்தின் மீது புராணம் பாடி
பாதசுவடுகளின் மீதுலவுகிறாய்
என் செய்வேன்?
உன் மீது
பரிதாபம் மட்டுமே பட முடிகிறது

உலகம் நானென்கிறாய் உலக
விந்தை நானென்கிறாய்
கவிதைகளும் காட்சிகளும்
அனைத்தின்பமும் நானென்கிறாய்
எத்தனைப் பொய்!!!

பகலின் இரவுகளில் நாடு கடத்தப்பட்டு
காடுகளின்
சுதந்தர சிறைகளில்
மனித இயந்திரங்களாய்
இருநூறாண்டுகள்
இருளுக்குள் உழலும் மக்கள்
கூட்டத்திலிருந்து
எழுந்து வந்தவன் நீ
நினைவுகளை ஞாபகத்திற்கழை.

எவனெவன் வாழ்வுக்கோ உதிரம் சிந்தி
உழைத்து மரிக்கும்
அறியாமைகளுக்கு
உiiவிட்டால் ஒளிப்பிழம்பு யார்?

உலக விழிகளால்
மறுதலிக்கப்பட்ட் அந்த உலகம்
உன்னிடம் எதையெதையோ
பார்த்திருக்கிறது!!!
அதன்
காய்ந்து
வறண்ட தொண்டைகளில்
தாகம் ஏக்கம்
பசி கனவு!

விழிகளுக்கு மிக அருகாமையில்
விழித்து நிற்கும்
பொறுப்புக்கள் கடமைகள் துறந்து
மேல் வர்க்க இளைஞனாய்
வாலிபத்தை
சல்லாபத்தி விடுகிறாய்.

எத்தனை துயரேற்றாள்
உன் தாய் உனை ஈன்;: உனை வளர்க்க??

எத்தனை இடர் கடந்தார்
உன் தந்தை நீ பள்ளி செல்ல??
எத்தனை துன்பமுற்ற
மக்கள் கூட்டம் உன் மண்ணில்??

விருப்பமில்லா விடுமுறையில் உன்
ஏழையூர் விரைகையில்
;அம்மனிதரின் விழிகளில்
இல்லாமையும் இயலாமையும்
இணைத்திசைக்கும்
துயர கீதங்களை
கேட்டிருக்கிறாயா?

ஒழுகும் கூரைகளின் கீழ்
உறக்கங்களை வழிய விட்ட
இரவுகளின் அழுகையொலிகள்
எட்டியிருக்கறதா செவிகளுக்கு?

பசுமை அடர்ந்த உயர்ந்த மண்ணில்
தாழ்வுடைய வறண்ட வாழ்வின்
சுமைகளை
தராசிலிட்டிருக்கிறாயா?

இனத்தால் பொருளால்
சாதியால் நிறத்தால் விலக்கப்பட்டவர்களுக்கு
விடுதலைக்காய் முழங்கப்போகும்
குரல் யாருடையது??

பரம்பரையை பரிசளித்து வளர்த்த
மண்ணை மூழ்கடிக்கும்
அதிகாரங்களுக்கெதிராய்
நிமிர்வது யார்??
விடைகாணா வினாக்கள்
ஆயிரமிருக்க நீயோ…..

வலிமையை இளமையை
என் நடை பாதையெங்கும்
பூக்கள் விரிக்க சிந்திக் கொண்டிருக்கிறய்…

இளமையின் சுகிப்பை வியர்வையூரிய
கருப்பு மண்
தந்த எழுத்துக்களால் அலங்காரப்படுத்துகிறாய்.
எப்போது அவர்களின்
அழுகை தடுக்கும்
ஆயுதம் செய்ய உன் அறிவை
கருவாக்கப் போகிறாய்???

இங்கு உன்னையும் என்னையும்
இணைத்த இப்பெரும் அறிவாலயம்
மனிதர்களுக்கான மனிதர்களை
உரு செய்யவே உழைக்கிறது.

இங்கு மனிதனாவது சாதரணம்!
மனிதர்களுக்கான மனிதராவதே சாகாவரம்.
நீ
சாகாவரம் பெறு அப்போது
உன் காதல்
மறுபரிசீலனைக்குற்படலாம்!!
ஏனெனில்
நான் நம் மண்ணையும் மக்களையே
சிந்தித்துக் கொண்டிருக்கிறேன்

எஸ்தர் லோகநாதன் (பேராதனை பல்கழைக்கழகம் இலங்கை)

திருகோணமலை

167,100 இராணுவ வீரர்களைக்கொண்டு பிடிக்கப்பட்ட புகைப்படங்கள்.

2009-11-12T14:34:00.000+05:30

முதலாம் உலக யுத்தம் நடைப்பெற்றிருக்கும் வேளை அமெரிக்காவின் இராணுவ வீரர்கள் தனது நாட்டு விடுதலை சின்னங்களுடன் அணிவகுப்பில் ஈடுப்பட்டிருந்த போது எடுக்கப்பட்டதாக கூறப்படும் படங்கள் இவை. இதன் படப்பிடிபாளர்கள் ஆதர் எஸ் மோல் மற்றும் ஜோன் டி தோமஸ் ஆகியோராகும். இந்த படங்களை 70 - 80 க்கும் இடைப்பட்ட அடி உயரமான கோபுரத்திலிருந்து எடுக்கப்பட்டதாக கூறப்ப்டுகின்றது. அதோடு 11 * 14 இன்ச் கெமரா பயன்படுத்தப்பட்டதாகவும் இந்த படங்கள் இப்போது Chicago Historical Society, the Museum of Modern Art and the Library of Congress இல் வைக்கப்பட்டுள்ளதாக தகவல்கள் தெரிவிக்கின்றன.

1. Living Insignia of the 27th Division "New York's Own"
10,000 officers and enlisted men, Breakers of the Hinderburg Line.

2. Human American Eagle
12,500 officers, nurses and men; Camp Gordon, Atlanta.

3. Human Liberty Bell
25,000 officers and men at Camp Dix, New Jersey

4. Human Statue of Liberty
18,000 officers and men at Camp Dodge, Des Moines, Ia.

5. Human U.S. Shield
30,000 officers and men, Camp Custer, Battle Creek, Mich

6. Living Uncle Sam
19,000 officers and men, Camp Lee, VA.

7. Machine Gun Insignia
22,500 officers and men, 600 machine guns at Machine Gun Training Center, Camp Hancock, Augusta, Ga.

8. Living Emblem of the United States Marines
100 officers and 9,000 enlisted men, Marine Barracks, Paris Islands, S.C.

6. Sincerely yours, Woodrow Wilson
21,000 officers and men, Camp Sherman, Chillicothe, Ohio

நண்பர்களுக்குகோர் அழைப்பிதழ்

2009-08-12T09:12:00.002+05:30

இலங்கைப் பதிவர் சந்திப்பு

காலம் : 23.08.2009 ஞாயிற்றுக்கிழமை .

நேரம் : காலை 9 மணி.

இடம் : கொழும்பு தமிழ்ச் சங்க வினோதன் மண்டபம்,

இல.7, 57வது ஒழுங்கை (ருத்ரா மாவத்தையின் பின்புறம்)

கொழும்பு 06.

நோக்கங்கள் :

இலங்கைத் தமிழ் வலைப்பதிவாளர்களிடம் அறிமுகத்தையும் தொடர்புகளையும் ஏற்படுத்திக்கொள்ளுதல்.

புதிய பதிவர்களை ஊக்கப்படுத்தி அவர்களுக்கு தேவையான வழிகாட்டல்களை வழங்குதல்

இலங்கைப் பதிவாளர்களின் திறமைகளை இணையத்தைவிட்டு வெளிக்கொணர முயற்சி செயதல்.

பதிவாளர்களிடையேயான கருத்துரைகள் அனுபவங்களை பகிர்ந்துகொள்ளுதல்.

பதிவர்கள் எதிர்நோக்கும் பிரச்சனைகள் அல்லது தொழில்நுட்ப சந்தேகங்களுக்கான வழிமுறைகளை ஆராய்தல்

இன்னும் பல‌..

வலைப்பதிவாளர்கள், புதிதாக வலைப்பதிபவர்கள், வலையுலக வாசகர்கள், பின்னூட்டமிடுபவர்கள் என அனைவரையும் அன்புடன் அழைக்கின்றோம்.

மேலதிக விளக்கங்களுக்கும் தகவல்களுக்கும் பின்வருவோரைத் தொடர்பு கொள்ளவும்.

லோஷன் : arvloshan@gmail.com
புல்லட் : bullettheblogger@gmail.com
வந்தி : vanthidevan@gmail.com
ஆதிரை : caskaran@gmail.com

முழுமையான நிகழ்ச்சி நிரல் அடுத்த வாரம் பிரசுரிக்கப்படும்.

இங்ஙனம்
ஏற்பாட்டுக் குழுவினர்.

பிற்குறிப்பு : மின்னஞ்சலினூடாக பலரை நாம் தொடர்புகொண்டோம் சிலரின் மின்னஞ்சல் முகவரிகள் எமக்கு கிடைக்கவில்லை ஆகவே தயவு செய்து மின்னஞ்சலில் இதனைப் பற்றிய தகவல்கள் கிடைக்காதவர்கள் எந்தவித தயக்கமின்றி எம்மைத் தொடர்பு கொள்ளவும்.

ஏதாவது கருத்துக்கள்,ஆட்சேபணைகள்,ஆலோசனைகள் இருந்தால் தயவு செய்து தெரிவிக்கவும்.

உங்களுக்கு தெரிந்த வலைப்பதிவாளர்கள், ஆர்வமுள்ளவர்களையும் அழைக்கவும்; உங்கள் வருகை பற்றி உறுதிப் படுத்தவும்.

யாரையும் தவறவிடக் கூடாது என்பதில் மிகக் கவனமாயுள்ளோம்.. யாராவது ஆரம்பிக்க வேண்டும் என்பதால் தான் நாங்கள் ஆரம்பித்துள்ளோம்.. எம்முடன் இணைந்து முன்னெடுக்க ஆர்வமுள்ளோர் வரவேற்கப்படுகிறார்கள்.

இருவாரங்கள் தாராளமாக இருப்பதால் இலங்கை முழுவதும் இருந்து பங்கேற்பை எதிர்பார்க்கிறோம்.

உங்கள் வலைத்தளங்களிலும் இதனைப் பிரசுரித்து வருகைகளை அதிகரிக்குமாறு அன்புடன் வேண்டுகிறோம்.

எம லோகம் போகலாம் வாடி தாயே!!

2009-08-02T22:06:00.002+05:30

மலையக நாட்டார் பாடல் - 01 இங்கே

கண்டிக்குத்தான் போறமுன்னு
கறி சோறு தின்னுப்புட்டு
தோணி ஏற மாட்டமுன்னு
தொங்கலிலே ஒழிஞ்சிக்கிட்டா
தங்க ரத்தினமே..! அவனந்
தொலைச்சுடுவான் ஆளுக்கட்டி
பொன்னே ரத்தினமே..!

தோணி வருகுதுண்ணு
துறைமுகமே காத்திருந்தேன்
தோணி கவுந்திருச்சே
துறைமுகமே ஆசையில்ல‌

கப்பல் வருகுதுண்ணு
கடற் கரையே காத்திருந்தேன்
கப்பல் கவுந்திருச்சே
கடற் கரையே ஆசையில்ல‌

எட்டடி குடிசையிலே
இருப்பது நியாயமில்லே
எம லோகம் போகலாம் வாடி தாயே
எம லோகம் போகலாம் வாடி தாயே!!

பட்டுப் பாவாடைக் கட்டி
பகட்டு மினுக்கி கொண்டு
பரதேசம் போகலாம் வாடி தாயே
பரதேசம் போகலாம் வாடி

கங்காணி கோவத்துக்கும்
காட்டுத் தொங்க ஏத்தத்துக்கும்
இந்த இடைஞ்சலிலே
இனி இருக்க நியாயமில்லே
வாடி செவத்தப் புள்ள‌
வதுளை பக்கம் போய் பொழைப்போம்..!!!!

எல்லாமே சந்தர்ப்பம்

2009-07-15T21:43:00.002+05:30

Artists: Ananya, Sasi Kumar
Director: Samuthirakani
Music Director: Sundar C Babu
Singer : ஹரிஹரன்

உலகில் எந்த காதல் உடனே ஜெயித்தது..
வலிகள் தாங்கும் காதல் மிகவும் வலியது
காதல் தோற்றதாய் கதைகள் ஏது?
தோற்றால் தோற்றது காதல் ஆகாது.
எல்லாமே சந்தர்ப்பம்
கற்பிக்கும் தத்பர்த்தம்
உலகில் எந்த காதல் உடனே ஜெயித்தது..
வலிகள் தாங்கும் காதல் மிகவம் வலியது

நினைவுகளாலே நிச்சயதார்த்தம் நடந்தது அவனோடு..
அவனில்லாது அடுத்தவன் மாலை ஏற்பது பெரும்பாடு
ஒரு புறம் தலைவன் மறுபுறம் தகப்பன் இதற்குள் எறும்பானாள்
பாசத்துக்காக காதலை தொலைத்து ஆலையில் கரும்பானாள்
யார் காரணம் ? யார் காரணம் ?
யார் பாவம் யாரைச்சேரும் யார்தான் சொல்ல..
கண்ணீர் வார்த்தாள் கன்னி மானே
சுற்றம் செய்த குற்றம்தானே..

உயிரில் பூக்கும் காதல் உணர்வின் ஆழ்நிலை
உணர்வைப்பார்ப்பதேது உறவின் சூழ்நிலை.

மனமெனும் குளத்தில் விழி என்னும் கல்லை முதல் முதல் எறிந்தாளே..
அலையலையாக ஆசைகள் எழும்ப அவன் வசம் விழுந்தானே
நதிவழி போனால் கரைவரக்கூடும் விதிவழி போனானே..
விதையொன்று போட வேறொன்று முளைத்த கதையென்று ஆனானே
என் சொல்வது..???என் சொல்வது ?
தான் கொண்ட நட்புக்காக தானே தேய்ந்தான்
கற்பைப்போலே நட்பைக்காத்தான்..
காதல் தோற்கும் என்றா பார்த்தான்..

உயிரில் பூக்கும் காதல் உணர்வின் ஆழ்நிலை
உணர்வைப்பார்ப்பதேது உறவின் சூழ்நிலை.

Get Your Own Hindi Songs Player at Music Plugin

Contact Me

2009-04-30T15:09:00.003+05:30

என்னைக் கவர்ந்தவர்கள்/ கவிழ்த்தவர்கள்..!

2009-04-08T09:00:00.004+05:30

பெரிய பதிவாயிருக்குனு நினைத்து வாசிக்காம போயிடாதிங்க. நேரம் கிடைக்கும் போது அமைதியாய் கொஞம் கொஞ்சமா வாசித்து முடித்துவிடுங்க!

மார்ச் மாதம் 17ம் திகதி என்னை (என்னைக் கவர்ந்தவர்கள்/ கவிழ்த்தவர்கள்..!) ஒரு தொடர் பதிவிற்கு நண்பர் கமல் அழைத்திருந்தார். அவருக்கு எனது மனமார்ந்த நன்றிகள் "மிக மிக வேகமாக ஆடுகளத்தில் அடித்தாடுவார்கள்" என கமல் சொல்லியிருந்தார்.ராகுல் ட்ராவிட் வேகத்தில் ஆடுவது அனைவருக்கும் பிடிக்கும் என்பதால் அதைப்பின்பற்றி ஆடுகளத்தில் இப்போது நான்!(தான் உண்டு தன் வேளை உண்டு என நீயுசிலாந்தில் சாதனைப்படைத்து கொண்டிருக்கும் அந்த நல்ல மனுசனை ஏன்டா இங்க இலுக்கிறனு கேக்குறது விளங்குது)

மகாகவி பாரதியை பி(ப)டிக்காதவங்களே இருக்க முடியாதுங்க‌ (யாரும் இருப்பாங்களோ?) அவரைப்பற்றி எழுத இன்னும் வளர வேண்டும்னு நினைக்கிறோன் (அறிவை சொல்லுறேன் மற்றப்படி 5"9" உயரம் நான்)பாரதியைப்பற்றி ஆதவா எழுதியிக்காரு ஓடி போய் வாசிங்களேன் அவருதான் சரியான ஆளு பாரதியைபப்ற்றி எழுத! பாரதியின் கவிதைகளில் இந்த வரிகள் எனக்கு பல‌ம் சேர்த்தவைகள்!

"தேடிச் சோறு நிதம் தின்று - பல சின்னஞ்சிறு கதைகள் பேசி வாடித் துன்பமிக உழன்று - பிறர் வாடப் பல செயல்கள் செய்து நரை கூடிக் கிழப் பருவம் எய்தி கொடுங் கூற்றுக்கிரையெனப் பின் மாயும் பல வேடிக்கை மனிதரைப் போல நான் வீழ்வேன் என்று நினைத்தாயோ?" இதை வாசிக்கும் போதே புது உத்வேகம் பிறக்கும். உங்கள் எல்லோருக்கும் பிடிக்கும் என நினைக்கிறேன்.

சரி அடுத்தவர் விவேகானந்தர் ரொம்ப பிடிச்சவரு பாரதிமாதிரியே முண்டாசு கட்டியிருப்பாரு, சுவாமி விவேகானந்தரின் அமுத மொழிகளில் இவை எனக்கு மிக மிக பிடித்தவை

"வாய்ப்பு வரும் வரை அமைதியாய் இரு அது அமைந்து விட்டால் காற்றுள்ள போதே தூற்றிக்கொள்" ,

"நீ எதை நினைக்கிறாயோ அதுவாக ஆகிறாய் உன்னை வலிமை உடையவன் என்று நினைத்தால் வலிமை படைத்தவன் ஆவாய்" .

சரி விவேகானந்தர்ப்பற்றி ஒரு பதிவு போடலாம் என்றால் முத்திக்கொண்டார் நண்பர் நிர்ஷன் நானும் ஏற்கனவே ஒரு குறிப்பு பதிவு செய்திருக்கின்றேன். பாரதிப்பற்றியும் தான்.

பிறகு கவியரசு, கவிபேரரசு, என்று இன்னும் நிரைய பேரு இருக்காங்க. அதோடு கவிஞர் புதுவை இரத்தினதுரை! அவர்களின் கவிதைகள் மிகவும் பிடித்தவை. அவருடைய குரலில் அவருடைய கவிதைகளை நான் கேட்டு இருக்க வில்லை நண்பர் கமலின் பதிவுகளை பார்ப்பதற்கு முன்பு. அவரது கவிதைகளை அவரின் குரலிலே ஒலிவடிவில் உங்களுக்கு கேட்க வேண்டுமா? இதோ இங்கே கிடைக்கிறது! ஓடி போங்க கேட்டுவிட்டடு மறுபடியும் இங்கே வாங்க ப்லீஸ்! கவிஞர் புதுவை இரத்தினதுரையின் கவிதை ஒன்று தமிழ் மதுரம் கமலின் பதிவில் சுட்டதுங்கோ!!

(ஒலி வடிவிலும் உண்டு இங்கே)

வெள்ளிக் கிழமை
விடிந்தாலே போதும்
சொல்லி மாளாத சுகம்
எல்லோரும் விரதம்
ஏழெட்டுக் கறி சோறு
குறட்டையுடன் ஒரு குட்டித் தூக்கம்
கோயில் மணி கேட்கக்
கும்பிட்டு எழுந்து காலாற
ஒரு தடவை கடைப் பக்கம் உலாத்தல்

குளத்தடிப் பிள்ளையாரப்பா

டேய் கொழுக்கட்டை தின்னி

எல்லாம் முடிஞ்சுதா ஐயனே???

இனி என்று அழியும் இத் துயர்??

ஊர் திரும்பல் எப்போது?

வீடு இழந்ததற்கே எனக்கு இந்தளவ
வில்லங்கம் என்றால்

நாடிழந்து போனது எந்தப் பெரிய இழப்பு???

அடுத்தது நம்ம வலைப்பதிவாளர் லோஷன் அண்ணா! வலைப்பதிவிற்கு வருவதற்கு முன்பே 8 வருடமா அவரை பின்தொடர்வது வழக்கமாச்சு. அதாவது வானொலியில்.சூப்பரான ஒரு அறிவிப்பாளர் என நான் சொல்லி தெரியவேண்டியதில்லை பலருக்கு. ஒரு சகலகலா வல்லவன் என்றும் நான் சொல்ல தேவையில்லை.அவருடைய பத்திரிக்கைகளில் வந்த படங்கள் என்று ஏராளமா கலக்ஷ‌ன் இருக்கு. இரண்டு தடவைகள் சந்திதுள்ளேன்.www.vettri.lk என்ற முகவரியில் வாரநாட்களில் 6AM-10AM வரை அவரது குரலை நீங்களும் கேட்கலாம் வார இறுதி நாட்களில் சனி 6PM - 9PM வரையும் ஞாயிறு 3PM - 5PM வரையும் நேரலையில் இருப்பாருங்கோ! மேலதிகமா அவரைப்பற்றி தெரிந்துக்கொள்ள அவரது வலைபதிவிற்கு செல்லுங்கோ! அதோடு நான் வலைப்பதிவிற்கு வந்த புதுசுல (ஏய் நீ இப்பவும் புதுசு தான்னு யாரோ சொல்லுராங்கோ! நமக்கென்ன விளங்காத மாதிரியே இருந்திடுவோம்) லோஷன் அண்ணாவும் என்னை ஒரு தொடர் பதிவிற்கு அழைத்திருந்தார்.(நான்,சினிமா இன்னும் பல..) இப்போதெல்லாம் நம்ம வலைப்பக்கம் வருவதேயில்லை கூட்டிக்கொண்டாவது வரனும் ம்ம்ம்ம்) ரொம்ப சந்தோஷமாயிருந்தது வானொலி மூலமாகவும் நெரைய ஊக்கப்படுத்திவுள்ளார். இரவு எவ்வளவு நேரமாகி தூங்கினாலும் சரியா 6 மணிக்கு அவருடைய குரலை கேட்டவுடனே கண்முழிச்சிடுவேன். விடியலுடன் தான் என் விடியலும் விடியும்! நான் 10ம் வகுப்பில் படிக்கும் போது லோஷன் அண்ணா அபோது சக்தி எப் எம் இல் அறிவிப்பாளராக இருந்தார் ஆனால் இராகலையில் சக்தி எப் எம் தெளிவில்லை, நான் சூரியன் எப் எம் தான் கேட்பேன். எனது நண்பன் திவாகரன் மூலம் தான் லோஷன் அண்ணா அறிமுகமானார். காலையில் ஸ்கூல் வந்ததுமே லோஷன் அண்ணா இப்படி சொன்னார் அப்படி சொன்னார் என அய்யோ தாங்க முடியாது ஒரே அறுவலா இருக்கும் ஏன்னா நம்ம தான் சூரியன் பிரியராச்சே! திவா ஒரு லோஷன் பித்தன் இப்போ நானும் தான். திவா லோஷன் அண்ணாப்பற்றி சொல்லும் போதெல்லாம் மனதுக்குள் லோஷன் அண்ணாப்பற்றிய அபிப்பிராயங்கள் அதிகமாச்சு இருந்தாலும் நண்பனிடன் காட்டிகொள்ள வில்லை. பிறகு என்ன லோஷன் அண்ணா எனக்காகவே நம் வேண்டுதலின்ப்படி சூரியன் எப் எம்மிற்கு வந்துட்டார் பிறகென்ன நம்ம ஆட்சிதான்.சூரியராகங்கள் கலகட்டும்! "என்றென்றும் புன்னகை முடிவில்லா புன்னகை..." என்ற பாடலோடு தான் கலையகத்துக்குள் என்டர் ஆவார். அப்போது இருந்து இப்போ வெற்றி எப் எம் வரை வெற்றி தான். சில கசப்பான சம்பவங்கள் நடந்தாலும் அனைத்தையும் கடந்து வெற்றியின் வெற்றி பாதையில் இப்போ அவர்.இன்னும் வெற்றிகள் குவிய வாழ்த்துகளுடன் கதையோட கதையா ஒரு நன்றி சொல்லிடுவோம். மிக்க நன்றி அண்ணா!

பிறகு எனது ஆரம்ப கால ஆசிரியை ஜெசிமா உமா டீச்சர், என் தமிழாசிரியான‌ , 10 11 ஆம் ஆண்டு பாடசாலைப்படிக்கும் போது வகுப்பாசிரியைய் இருந்த சாந்தினி டீச்சர், உயர்தரத்தின் போது வகுப்பாசிரியர் பன்னீர் சேர் என்று இன்னும் பெரிய பட்டியலே இருக்கு. அப்பப்போ ஒவ்வொருத்தரையும் பற்றி கொஞ்சமாவது சொல்லனும் என நினைத்திருக்கின்றேன்.

இப்ப நான் இங்கு எழுத போவது தான் இன்றைய பதிவு (அப்ப இவ்வளவு நேரமா எழுதுயது?)

கோ. நடேசய்யர்.

இலங்கை அரசியலில், தொழிற்சங்கம், பத்திரிக்கை, இலக்கிய முயற்சிகளில் ஈடுப்பட்டவர் தான் கோதண்டராம நடேசய்யர். தமிழகத்தின் தஞ்சாவூரில் 14.01.1891 ம் ஆண்டு பிறந்தவர்.தஞ்சாவூரில் இந்திய வியாபாரிகள் சங்கம் ஒன்றினை உருவாக்கி வெற்றிகரமாக இயக்கிவந்தவர். அதே நேரம் வர்த்தக மித்திரன் என்ற பத்திரிக்கையையும் நடாத்தி வந்தார்.இந்தியர்கள் கொழும்பில் வர்த்தகத்தில் ஈடுப்பட்ட அந்நாட்களில் கொழும்பில் அதன் கிளையொன்றையும் நிறுவியிருந்தார். அதன் ஆண்டு விழாவிற்காகவே 1915ம் ஆண்டு முதல் முதலாக இவரது இலங்கைக்கான வருகை அமைந்திருந்தது. அந்த வருகையின் போது கோ.நடேசய்யர் தேயிலை தோட்டங்களில் வாழுகின்ற இந்தியத் தொழிலாளர்களின் நிலமையை நேரில் கண்டறிய விருப்பினார். ஆனால் அவருக்கு அங்கு சென்று பார்க்கமுடியாதவாறு சட்டங்கள் கடுமையாக இருந்தது. அதாவது தேயிலை தோட்ட்ங்கள் யாவும் துரைமார்களின் பலத்த அதிகாரத்திற்கு உட்படுத்தப்பட்டிருந்தது. தோட்டத்துக்குள்ளிருப்பவர்கள் தோட்ட எல்லையை தாண்டி வெளியே போவதும் வெளியார் தோட்டங்களுக்குள் வருவதும் சேவை ஒப்பந்தக் கட்டளைச்சட்டம், அத்துமீறல் தடைச்சட்டம் ஆகியவற்றின் பிரகாரம் தண்டணைக்குரிய குற்றங்களாக இருந்தது. புடவை வியாபாரிகள் மாத்திரம் செல்வது வழக்கமாயிருந்திருக்கிறது எனவே கோ.நடேசய்யர் புடவை வியாபாரியாக‌ உள்ளே சென்று மக்களின் பிரச்சினைகளை அறிந்து கொள்ளப்பட்டதாக கூறப்படுகிறது. அம்மக்கள் திறந்தவெளிச் சிறை வாழ்க்கையை அறிந்து கொண்ட அவர் ஆண்டு விழாவை முடித்துக்கொண்டு தாயகம் திரும்பினார்.

இலங்கையில் குடியியல் உரிமை அற்றிருந்த இந்திய வம்சாவளித் தமிழர்களுக்கு இந்த மக்கள் பிறந்து வளர்ந்த தாயகமான இந்திய அரசு எவ்வித முன்னெனடுப்புகளையோ, இராஜதந்திர அழுத்தங்களையோ மேற்கொள்ள வில்லை அதேவேளை புகுந்த வீடான இலங்கை அரசும் எவ்வித அக்கறையும் காட்டாத வேளையிலே இம்மக்களின் விடியலுக்காக நீண்ட காலம் த‌ங்கியிருந்து பாடுப்பட வேண்டும் என்ற நோக்குடன் மீண்டும் 1920 ஆம் ஆண்டு இலங்கைக்கு வந்தார்.

இலங்கைக்கு விஜயம் செய்த அவர் அவ்ருக்கு நன்கு பரிட்சயமான பத்திரிக்கை தொழிலில் ஈடுப்படலானார். 1922 ம் ஆண்டு, "தேசநேசன்" என்ற தினசரியும், 1924ம் ஆண்டு "தேசபக்தன்" என்ற தினசரியும் அவரால் தொடங்கப்பட்டது. அதே வேளை தனி ஆங்கிலப் பத்திரிகைகளான Indian opinion, Indian Easte Labourer citizen, Forward ஆகிய மூன்று பத்திரிக்கைகளையும் நடாத்தினார். 1947 ஆம் ஆண்டு ஜூன் முதலாம் திகதி சுதந்திரன் பத்திரிக்கை அரசியல தினசரியாக வெளிவந்தபோது அதன் ஆசிரியராக கோ.நடேசய்யர் கடமையாற்றிவுள்ளார். பத்திரிக்கையின் நோக்கம் பற்றிய செய்தியினை மிகத் தெளிவாக அதன் முதலாவது இதழிலேயே கீழ்கண்டவாறு அவர் குறிப்பிட்டிருந்தார்.

"தமிழர் யார் என்ற பிரச்சினை கிளம்புகிறது. வெகு காலத்திற்கு முன் வந்தவர்கள் தங்களை இலங்கை தமிழர் என்கிறார்கள். பின் வந்த வந்தவர்களை இந்திய தழிழர்கள் என்கிறார்கள். எல்லோரும் தமிழர் என்பதை மறந்து விட்டனர். இந்தியத் தமிழர்களில் சிலர் தங்களை இந்தியன் என கூறிக்கொள்வதில் தங்களுக்கு ஏதோ பிரத்தியோக நன்மை இருப்பதாகவும் கனவு காண்கிறார்கள். இந்த பிரிவினைகள் யாரால் ஏற்படுத்தப்பட்டதென்பதை அறிவாறா? இவ்விரு தமிழர்களையும் பிரித்து வைப்பதில் தங்களுக்கு பயன் ஏற்படும் என சிங்களச் சோதரர்கள் செய்துவந்துள்ள சூழ்ச்சி. இந்த சூழ்ச்சியிலீடுப்பட்டுள்ள சில சுயநலத் தமிழர்களும் இருக்கின்றனர். ஆகவே இந்தச் சூழ்ச்சிகாரர்களிடமிருந்து தமிழ் பொதுமக்கள் தப்பவேண்டும்.இந்த ஒரே நோக்கம் கொண்டுதான் சுதந்திரன் ஆரம்பிக்கப்பெற்றிருக்கிறது. சாதாரண மக்களிடம் அரசியல் ஞானத்தை பரப்ப வேண்டியது முதல் கடமையாகும்."

01.06.1947 ம் ஆண்டு ஆரம்பிக்கப்பட்ட சுதந்திரன் 1983ம் ஆண்டு தனது பயணத்தை நிறுத்திக்கொண்டது என்பது குறிப்பிடதக்கது. தொழிற்சங்கத் தலைவரான ஏ.ஈ. குணசிங்காவுடன் இணைந்து கொழும்பில் தொழிற்சங்க பணிகளில் ஈடுப்படலானார். ஏ.ஈ குணசிங்காவின் இந்தியத்துவேசம் இனவாத போக்கின் காரணமாக கருத்துவேருபாடுகள் கொண்டு 1928 ஆம் ஆண்டு அவ் அமைப்பை விட்டு வெளியேறினார். இலங்கை தொழிலாளர் கழகத்திலிருந்து வெளியேறிய கோ.நடேசய்யர் அவர்களின் 1931ம் ஆண்டு அகில இலங்கை தோட்ட தொழிலாளர் சம்மேளனத்தை ஆரம்பித்ததிலிருந்துதான் மலையக தொழிற்சங்க வரலாறு தொடங்குகிறது! அதற்கு முன்னர் 1930 வரையில் தோட்டதுறையில் எந்த வித தொழிற்சங்க நடவடிக்கைகள் இருக்கவில்லை. ஆகவே தான் மலையகப் பெருருந்தோட்டத் துறையில் தொழிலாளர்களுக்காக அமைப்பு ரீதியாக முதலாவதாக‌ தொழிற்சங்கத்தை ஆரம்பித்தவராக கோ. நடேசய்யர் கருதப்படுகிறார்.

1936 ஆம் ஆண்டு நடந்த அரசாங்க சபை தேர்தலில் கோ.நடேசய்யர் போட்டியிட்டு மகத்தான வெற்றியைப் பெற்றார்.ஆறு ஆண்டுகள் சட்ட நிறுவன சபையினதும், அதன் பின்னர் பதினொறு ஆண்டுகள் சட்டசபையிலும் மலையக தோட்ட தொழிலாளர்களுக்காக பிரதிநிதிதுவம் செய்தார்.

ோ.நடேசய்யர் இலங்கையில் குடியேறியது முதல் மறையும் வரை ஒன்பது தழிழ் நூல்களயும் இரு ஆங்கில நூல்களையும் வெளியிட்டுள்ளார். "தோட்ட் முதலாளிகள் இராச்சியம்" என்ற இவரது ஆங்கில நூல் மிகவும் பிரபல்யமானது என கூறப்படுகிறது. அதே சமயம் இவரது மனைவியான மீனாட்சியம்மை இவருது அரசியல், இலக்கிய வாழ்விற்கு முக்கிய பங்கு வகித்ததாக கூறப்படுகிறது.இவர் தான் ம்லைகத்தின் முதற்பெண்மணியாகவும் கூறப்படுகிறது. மீனாட்சியம்மையைப்பற்றி வேறொரு பதிவில் முழுமையான விபரங்களை தருகிறேன்.

கோ. நடேசய்யரின் நூல்லகள் யாவும் உறங்கிக் கிடக்கும் ஒரு மக்கள் கூட்டத்தை தட்டியெழுப்பும் போக்கிலே காணப்படுகிறது. "1931ம் ஆண்டு வெளியான "நீ மயங்குவதேன்" என்ற கட்டுரை நூலில் உள்ள இறுதி கட்டுரையான "ராமசாமி வேர்வையின் ச‌ரிதம்" என்ற கட்டுரையாகவல்லாது மலையகத்தின் முதன் முதலில் வெளிவந்த சிறுகதையாகக் கருதப்படுகிறது.

இன்னும் ஏராளமான விடயங்கள் நடேசய்யர்ப் பற்றி இருக்கின்றன அவை இன்னொறு முறை உங்களுடன் பகிர்ந்து கொள்ளலாம் என நினைகிறேன். மக்களுக்காக பாடுப்பட்டவர்களின் வரலாறு இலகுவில் சொல்லி முடிக்கயிலாத காரியம் என்பது நீங்க அறிவீர்கள். இன்னொரு விடயம் 06.11.1947 நடேசய்யர் கொழும்பில் அமரரானார். அவர் அமரராகி ஒரு வருடம் கழித்த நிலையில் மலையக மக்களின் அரசியல் வாழ்வினை அழித்தொழிக்க வகை செய்த குடியுரிமை சட்டம் 15.11.1948இல் இலங்கை நாடாளுமன்றத்தில் அரங்கேறியது என்றால் எவ்வளவு நெருக்கடியாக அரசிற்கு அமரர் கோ.நடேசய்யர் இருதிருப்பார் என நாம் ஊகித்துக்கொள்ளலாம்.

இன்றிலிருந்து ஒருவாரகாலமாக வலைப்பதிவிற்கு விடுமுறை கொடுக்கலாம் என் எண்ணியுள்ளேன். இடைக்கிடையில் உங்களை சந்திக்கின்றேன். ஒரு வருடத்தின் பின் வீட்டுக்கு சொல்வதால் சிறு ஓய்வு எடுத்துவிட்டு நண்பர்கள், உறவினர்கள் சந்தித்து விட்டு மீண்டு பல சுவாரஸ்யமான விடயங்களோடு தியானத்தின் 3வது பதிவின் ஊடாக உங்களை சந்திக்கிறேன். வடக்கின் வசந்தம் என்று கூறிக்கொண்டு இருக்கிறார்கள் சிலர் எது எப்படியோ ஒட்டு மொத்த தமிழர்களுக்கும் சித்திரை வருட பிறப்பில் வசந்தம் வீசட்டும் என எப்போதும் போல இறைவனை பிரார்த்திப்போம் என கூறிக்கொண்டு விடைபெறுகின்றேன்.

எனது மனமார்ந்த நன்றிகள் இவர்களுக்கு

பட உதவி திரு.அந்தனி ஜிவா (எழுத்தாளர்)

உதவி நூல்கள் : மலையக இலக்கிய கர்த்தாக்கள், மலையகத் தொழிற்சங்க வரலாறு

பின் குறிப்பு: இந்த பதிவில் மற்றுமொருவர் இருக்கின்றார் அவரைப்பற்றிய தகவல்களை தந்து விட்டு மூன்று பேரை தொடர்பதிவிற்கு அழைகின்றேன்.எவ்வளவு முடியுமோ அவ்வளவு பின்னூட்டம் போடுங்க! நட்புடன் ஜமால் அண்ணே சாதனையை முறியடிக்க தேவையில்லை. கொஞ்சமாகவே பின்னுட்டம் போடுங்க ப்பீஸ்.

சிரட்டையும் மண்ணும்

2009-04-05T12:04:00.002+05:30

நானும் நீயும்
ஓடிப்பிடித்து விளையாடிய‌
ஒற்றையடிப்பாதை,
காடுப்பத்தி...
காணாமல் போயிருந்தது

சலசலத்து
சங்கீதம் பாடி!
ஊரின் நடுவால்
ஊடறத்து ஓடிய‌
ஆறுகள் இரண்டும்
அடையாளமற்றுப்போயிருந்தன‌

ஊஞ்சல் கட்டி ஆடிய
எல்லைப்புற ஆலமரம்
எப்படி மறைந்தது
சுவடுகளற்று...
கறையானும் பாம்பும்
வாழ்வதற்காய்
புதிதாக அங்கே
புத்துகள் முளைத்திருந்தன‌

ஊர்ப‌ற்றி
ஒவ்வொரு நினைவும்
ஊசியாய் குத்தியது மனசை

திரும்பிடும்
திசைகள் தோறும்
நமதான ஞாபங்கள்
கைகாட்டி முறுவலிக்கிறது

கிட்டி, கிளித்தட்டு
பட்டம், பம்பரம்
மறந்துபோன விளையாட்டுக்கள்
மறுபடியும்
ஞாபகம் வந்தது

மயானத்தை
நினைவூட்டுவதாய்
நமதான..
அழகிய கிராமம்

அழுக்காகிப்போன‌
நினைவுகளை...
தூசுதட்டி,துடைத்து
வாசிக்கையில்
அழுகை வந்தது

தூரத்தில்
சிரட்டையும் மண்ணும்
சிதறிக்கிடந்தன..
விளையாட யாருமில்லாமல்.

நன்றி
நாச்சியாதீவு பர்வீன்
நூல் : சிரட்டையும் மண்ணும்.

அவனும் அவளும்

2009-04-03T07:04:00.002+05:30

நுவரலியா நகரம் முழுவதுமாய் நண்பனுடன் ஒவ்வொரு பரிசுப்பொருள் கடைகளுக்கு ஏறி இறங்கிக்கொண்டிருந்தான் அவன்.எவ்வளவோ தேடியும் திருப்த்தி இல்லாதவனாய், ஒரு மாதிரியாக ஒரு திருமண ஜோடி பொம்மையை வாங்கிக்கொண்டான். அது அவனுக்கு ரொம்ப பிடித்திருந்தது, அவனுக்கு அது வெறும் பொம்மையாக தெரிய‌வில்லை.மாறாக அவனும் அவளுமாகவே எண்ணிக்கொண்டான். அப்பாடா இப்பையாவது வாங்கினானே என பெறுமூச்சி விட்டுக்கொண்டான் அவனின் நண்பன். சும்மா 3 மணி நேரம் ஒவ்வொரு கடையாய் ஏறி இறங்குவது? ம்ம்ம் எல்லாமே நட்புக்காக மாத்திரமே!

அந்த பொம்மை வெறும் 150 ரூபா பெறுமதி தான் இருந்தாலும் அதை வாங்க அவன் முதல் நாளே பாடசாலைக்கு விடுமுறை கொடுத்தான், நண்பனுடன் ஒரு மறக்கறி தோட்டத்திற்கு வேளைக்கு சென்றதில் 200 ரூபா கிடைத்தது.அதுவும் முதல் நாளன்று பாடசாலையில் ஓட்டப்போட்டி ஒன்றில் கலந்து கொண்டதில் கால் முறிவு ஏற்ப்பட்டிருந்தது. அதெல்லாம் சமாளித்துகொண்டான் அவளுக்காகவே!

சூரிய உதய‌த்தையே கண்டிறாதவன் மறுநாள் காலையில் சேவலையும் துயில் எழுப்பி கதிரவனுக்கு காலை வந்தனம் தெரிவித்தான். எத்தனை சுறுசுறுப்பைக்கொடுக்கிறது இந்த காதல். சித்திரை வசந்தமே அவனால் இன்னும் அலங்கரிக்கப்பட்டு கொண்டிருந்தன. சில்லொன்று வீசிடும் காற்று அவனிடம் கொஞ்சம் குளிர்க்காய்ந்து கொண்டிருந்தது. அந்த பொம்மையை எடுத்துக்கொண்டு புறப்படுகிறான். அது ஒரு புதன்கிழமையாகும். பொன்கிடைத்தாலும் புதன் கிடைக்காது என அவன் ஆசிரியை அடிக்கடி கூறுவாள் அதையும் எண்ணிக்கொண்டதால் அவனுக்கு இரட்டிப்பு மகிழ்ச்சி அன்று.

இராகலையிலிருந்து பேருந்தில் சொல்லும் போது சற்று எரிச்சலாகவே காணப்பட்டான்.அவளுடன் செல்லும் போது புயலாக செல்லும் பேருந்து இன்று தென்றாலாகவே நகர்ந்தது. வழமையான வேகத்தில் தான் பேருந்து சென்றாலும் அவனுக்குத்தான் அப்படி எண்ணத்தோன்றியது.நானு ஓயா நகரம் சென்றதும் ரயிலில் ஏறிகொண்டான். தண்டவாளத்தின் அதிர்வுகளை விட அவனது இதய அதிர்வுகள் அதிகமாயிருந்தது. மனதில் பல கற்பனைகள் ஊஞ்சலாடுகிறது. அவள் எப்படி என்னை வரவேற்ப்பாள்? உன்னைப்பார்த்த பின்பு நான்! நானாக இல்லையே.. ச்ச்சி ச்சி இந்த பாடல் பொருந்தாது, சிரித்த முகத்துடன் அவள் கன்னங்களை கில்லி வாழ்த்து சொல்லிடலாமோ? ம்ம்ம் சரிவராது, ஒரு முத்தம் வேண்டாம் பிறகு அவ்வளவு தான், படங்களில் வருகிறமாதிரி கால்களை மண்டியிட்டு கிப்ட்டை கொடுத்து வாழ்த்தலாமோ ச்சே ரயில் நிலையமாச்சே நெரைய பேர் இருப்பாங்க, அவள் கன்னத்தில் ஒரு கடி கடித்து காதில் மெல்லமாய் சொல்லிடாமோ? ம்ம்ம் பாக்கலாம். பலபேருக்கு பிறந்த தின வாழ்த்து கூறியிருக்கிறான், ஒரு போதும் இப்படி எண்னியதில்லை இருந்தாலும் பலப்பேரும் அவளும் ஒன்றா? என்ற கேள்வி மனதில் ஓடத்தான் செய்தது. எங்கு கூட்டிக்கொண்டுப் போகலாம் முதலில் கோவிலுக்குத்தான் பிறகு ரயில் பாதையில் கொஞ்சம் உலாவலாம், பிறகென்ன சாப்பிட்டுவிட்டு வீடு திரும்ப வேண்டியதுதான்.படங்களில் வருவதை போல் ஒரு டூயட்டா பாடமுடியும். அதுவும் சும்மா இரண்டு பேர் நின்றாலே இரண்டாயிரம் வார்த்தைகள் பேசிடும் ஊர் இதுல எங்க டூயட் ..

நான் வாழும் காலங்களில்,
உனக்காவே வாழ்ந்த‌ நாட்கள்
அதிகமாக‌ இருக்க வேண்டும்.
உன் நினைவில் வாழும்
நொடிகளே வேண்டும்.
நீ என்னருகில்
இல்லாதப்பட்சத்திலும்!

என்று சில வரிகளை கிறுக்கியிருந்தான் அவன் பொம்மையுடன் வாங்கியிருந்த பிறந்த தின வாழ்த்து மடலில் அதை நினைவூட்டி கொண்டிருக்கும் போதே கடந்ததை மீட்டிப்பார்கின்றான் அவனும் அவளும் நண்பர்களாகவே பேசி பழகத்தொடங்கியிருந்தன என்றாலும் நட்பு காதலாய் மாறுவது இயல்புதானே! அவளை இவனுக்கு ரொம்ப பிடிக்கும் அவளுக்கும் தான். ஒருமுறை ஒரு மரணசடங்கு வீடொன்றுக்கு போய் வந்தவுடன் அவள் அவனிடம் கேட்கிறாள் நான் இறந்தா என்ன பன்னுவாய் என்று!, ஒரு முறை உலகமே இருண்டு விட்டது போல் தடுமாறி விட்டான் என்றாலும், நானும் உன்னுடன் வந்திடுவேன் என்பது தான் அவனது பதிலாய் இருந்தது. இவை மனதில் ஓடிக்கொண்டிருக்கையிலேயே தலவாக்கலை ரயில் நிலையம் வந்தாச்சு. அதுதான் அவள் இரயிலில் ஏறும் இடம் இன்னும் படப்படப்பு அதிகம் அவனது கண்கள் அவளை தேடுகிறது. ஒரே கூட்டம் என்றாலும் அவனது கண்களில் அவள்ப்படுகிறாள். ம்ம்ம் ஒரு முறை மூச்சு நின்று மீண்டும் மீண்டு வந்தது, அது பறிமாற்றமாகவே இருந்திருக்க வேண்டும். அவனது மூச்சு அவளுக்குமாய், அவளது மூச்சு அவனுக்குமாய்.!

வழமையாகவே இவனை கண்டவுடன் அவளது சூரிய ஒளிப்பட்டு விரிந்து காட்சி கொடுக்கும் சூரியகாந்தியாய் ஜொலிக்கும். அவளது சிரிப்பிலே ஆயிரம் வருடங்கள் வாழலாம்.அவளது பார்வை அவனது உயிரை உறிஞ்சிக்கொண்டிருக்கும். அன்று அவள் வழமைக்கு மாறாகவே இருந்தால் யாதுமறியாதவனாய் ஏதும் செய்வதறியாமல் நிற்கின்றான். அவளும் ரயிலில் ஏறிக்கொள்கிறாள். அது அவளது தனியார் வகுபொன்றுக்காகவே! இருவரும் அருகருகில் ஒருவரை ஒருவர் பார்த்தவாறு இறங்குப்படியருகில் இருகின்றனர். எத்தனை கற்பனையோடு வந்தாலும் அவளை கண்டவுடன் வார்த்தை வர தடுமாறுகிறது ஏனோ புரியவில்லை. இது ஒன்றும் முதல் சந்திப்பல்ல 3 வருடம் காதலில் தொலைந்தவர்கள் என்றாலும் ஒவ்வொரு சந்திப்பும் ஒவ்வொரு பாடத்தை கற்பிக்கும்.அவள் இவனைப்பார்த்து ஏன் வந்திங்க என்றாள் அவளே பதிலையும் பேத்டேவிற்காகவா என்றாள். அவன் பேசவில்லை அவனுக்கு புரியவில்லை ஏன் அவள் இப்படி நடந்துக்கொள்கிறாள் என்று.

இரயில் கொட்டகலை ரயில் நிலையத்தை அண்மிக்கின்றது, சிவப்பு கொடி காட்டப்படுகிறது இவனது காதலுக்கும் சேர்த்து, என்னை மறந்திடுங்க என்பது அவள் கூறிய வசனங்கள் இரயிலிருந்து இறங்கியவள் வேகமாக செல்கிறாள் பின்னாலையே பித்து பிடித்தவனைய் ஓடிகிறான். அவன் ஓன்றுமே பேசியிருக்கவில்லை. வாங்கி வந்த திருமண ஜோடி பொம்மையை கொடுகிறான் அவள் வாங்கிக்கொள்ள மறுக்கிறாள். பாதை ஓரமாய் வைத்துவிட்டு அவளிடம் எடுத்துக்கொள்ளச்சொல்லிவிட்டு ஓடுகிறான் காதல் பித்தனாய். ஒன்றுமே புரியவில்லை தற்போது அவனுக்கு தேவை அமைதியடைய வேண்டும். கொட்டக்கலை நகரில் உள்ள கோவிலுக்குள் நுழைகிறான். பிரம்மா பிரம்மா எப்படி படைத்தாய் என்னுடைய காதலியை என்பது தான் அவனது கேள்வி. சிறுது நேரம் கோவிளிலிருந்து அமைதியாய் வெளியாகின்றான். அவளது தனியார் வகுப்பு முடியும் வரை காத்திருக்கின்றான். அவள் வருகிறாள் அவள் ஏன் அப்படி கூறினால் என காரணம் கேட்க விரும்பவில்லை அவன், அவள் சரியாகதான் முடிவொடுத்திருப்பாள் என்ற அசட்டு நம்பிக்கை. காதலை கடந்து நண்பர்களாக உறவாடிகொள்கின்றன உள்ளுக்குள் காதலர்களாக. சிறிது நேரத்தில் அவளிடமிருந்து விடைப்பெறுகின்றான் என்றாவது மறுப்படியும் காதலை ஏற்றுகொள்வாள் எனற எதிர்ப்பார்போடு.

நட்பாக இணைந்து காதலாக மாறி நட்பாய் விடைபப்பெற்றாலும் காதலுடன்...

பின் குறிப்பு: என்னுடைய முதலாவது சிறுகதை என்பதால் எவ்வளவு முடியுமோ அவ்வளவு பிழைகளை கன்டுப்பிடித்து எல்லாதையும் சொல்லுங்க! உங்களுக்கு புன்னியமா போகும்.பாடசாலை காலங்களில் பரீட்சையில் சிறு கதைகள் பல எழுதி 10, 15 புள்ளிகளைப் பெற்றதையெல்லாம் இங்கு பெறுமையா சொல்லிக்கொள்ள விரும்பவில்லை ஒகேவா?
பிறகு நான் அவன் இல்லை!

மலையக நாட்டார் பாடல்கள்

2009-03-30T07:16:00.008+05:30

மலையக நாட்டார் பாடல்களை கொஞ்சம் இங்கு அறிமுகப்படுத்தலாம் என நினைக்கின்றேன் நண்பர்களே
உங்கள் கருத்துக்கள் முக்கியம்.

மலையக நாட்டார் பாடல்கள் தமிழகத்திலிருந்து மக்கள் கூலிகலாக இலங்கைக்கு இடம் பெயர்ந்த போது அம்மக்கள் கொணர்ந்தவைகள் தான் இந்த நாட்டார் பாடல்கள். அம்மக்கள் இலங்கையில் பணிபுரியும் காலத்தில் அவர்களுக்கு ஏற்ப்பட்ட‌ அநீதிகள், இன்னல்களை வெளிப்படுத்தும் முகமாகவே அனேகமான மலையக நாட்டார் பாடல்கள் காணப்படும்.

இப்பாடல்கள் யாவும் எங்கும் எழுதப்பட்டவை அல்ல அவர்கள் வாழ்வோடு பின்னி பினைந்தவை என்றால் மிகையாகாது. இப்பாடல்களை அலைசிபார்தோமானல் அவர்களின் இன்னல்களும் அநீதிகள் , இவர்களுக்கு எத்தரப்பிடமிருந்து கொடுமைகள் இழைக்கப்பட்டன என்பது வெளிச்சமாகும்.

மலையக நாட்டார் பாடல்களில் பபூன் பாடல்கள், நாடகப் பாடல்கள், சமூக எழுச்சிப் பாடல்கள், வீதிப் பாடலகள், பஜனை பாடல்கள், நாட்டுப்புற பாடல்கள், கேலிப் பாடல்கள், கோலாட்டப் பாடல்கள், கூத்துப் பாடல்கள் என ஏராளமான வகைகள் உண்டு.

1972 -‍‍ 1976ம் ஆண்டுகளில் சிறிமாவோ பண்டாரநாயக்க ஆட்சியின் போது ஏற்ப்படுத்தப்பட்ட சுய உற்பத்திக் கொள்கையினால் (உள்நாட்டு உற்பத்தி) அதிகமாக மலையக மக்கள் பாதிக்கப்பட்டதாக தெரிவிக்கப்படுகிறது. சொந்த விவசாய நிலமற்ற தோட்ட தொழிலாளர்கள் உணவுப்பொருட்களை உற்பத்தி செய்வதற்க்கு வழியிலாம் பெரிதும் பாதிக்கப்பட்டார்கள். அந்த வேதனை எடுத்து கூறும் பாடலே இது!

பண்டாவின் ஆட்சியிலே.. - நாங்கள்
பட்டினியில் வாடலானோம்...
அதை நினைத்துப் பார்க்கையிலே நெஞ்சம்
பதை பதைத்து துடிக்குதடீ தங்கமே தங்கம்

அரிசியில்ல மாவுமில்ல தங்கமே தங்கம் - நமக்கு
ஆட்டா மாவும் பஞ்சமாக்கி தங்கமே தங்கம்
சோறுயில்ல ரொட்டியில்ல தங்கமே தங்கமே - நமக்கு
சோளம் மாவும் பஞ்சமாச்சி தங்கமே தங்கம்

மலைநாட்டு மக்கள்ளெல்லாம் தங்கமே தங்கம் - நாங்க‌
மாண்டு மடியலாமோ தங்கமே தங்கம் - நாங்க‌
மரவள்ளியைத் தேடலாமோ தங்கமே தங்கம்

சேந்து மடியலாமோ தங்கமே தங்கம் - நமக்கு
சேமங்கீரை பஞ்சமாச்சி தங்கமே தங்கம்

தட்டு முட்டுச் சாமானெல்லாம் தங்கமே தங்கம் - இங்கே

தவிடு பொடியாச்சுதடி தங்கமே தங்கம்
தவிடு பொடியாச்சுதடி தங்கமே தங்கம் - நம்ம‌
தாலிமணி பறிபோச்சு தங்கமே தங்கம்..!

ஒரு ராத்தல் பானுக்குத்தான் தங்கமே தங்கம் - நாம‌
ஓடி யலைஞ்சோமே தங்கமே தங்கம்
ஓடி யலைஞ்சோமே தங்கமே தங்கம் - நாம‌
ஒரு யாரு சீத்தைக்குதான் தங்கமே தங்கம்.

(அரிசியில்ல)

பின் குறிப்பு: மலைக நாட்டார் பாடல்கள் பெரும்பாலானவைகள் பேச்சு வழக்கு மொழியிலே காணப்படும். எழுதிவைக்கப்படாத காவியங்கள் நிலைப்பதற்கில்லை எனவே இங்கு சேமித்து வைப்பது பொருத்தமாகும்.

பட்டாம் பூச்சி விருது யாரால், எப்போ, அறிமுகப்படுத்தப்பட்டது?

2009-03-29T19:17:00.000+05:30

என்னையும் ஒரு வலைப்பதிவாளராக மதித்து என்னை ஊக்கப்படுத்தும் விதமாக எனக்கு பட்டாம்பூச்சி விருது வழங்கினார் நண்பர் ஷி‍-நிசி. அவருக்கு நன்றின்னு சொல்லி நட்பை தூரப்படுத்த விரும்பாவிட்டாலும் இப்போதைக்கு அதை தவிர வேறு வார்த்தை என்னிடம் இல்லையென்பதால் (ஆமா புதுசா இவரு வார்த்தை கண்டுப்பிடிக்க போறாறாம் அப்பிடினு கேக்க கூடாது) அவருக்கு எனது மன்மார்ந்த நன்றிகள்.

அட சத்தியமா விருது கொடுத்தார். நம்புங்கப்பா! நம்பமுடியலையா இதே அவருது படத்தின் மேல் ஒரு கிலிக் போடுங்க, போட்டாச்சா? நம்பிட்டிங்களா?. (ம்ம்ம் எப்படியெல்லாம் சமாளிக்க வேண்டியதாயிருக்கு. முடியல!!!)
இவர்தாங்க தங்க மனசுகாரர்

இந்த பட்டாம்பூச்சி எப்படா நம்ம வீட்டுப்பக்கம் வருமென்று எவ்வளவு நாளா காத்திருந்தேன் தெரியுமா? இதே வந்துடுச்சி. எனக்கே எனக்கா.. நீ எனக்கே எனக்கானு பேக்ரவுன்ட் மீயுசிக் போகுது! (அடப்பட்டாம் பூச்சி விருதை பாத்து பாடுனது! அதுக்குள்ள வீன் கற்பனை, அய்யோ அய்யோ..) சந்தோசமா இருக்கு.

இந்த வண்ணாத்திபூச்சி விருதை தந்த நண்பர் ஷி நிசி க்கும் எனக்கும் ஒரு ஒற்றுமை (ஒன்னே ஒன்னானு கேக்காதிங்க) என்வென்றால் நானும் வைரமுத்துவின் கவிப்பிரியன் அவரும்தான். காதல் கவிதைகள்,
சமூக கவிதைகள், குறுங்கவிதைகள், புகைப்பட கவிதைகள்,
உறவு கவிதைகள், ஹைக்கூ கவிதைகள், நட்பு இப்படி பலவகையாக பிரித்து கவிதைகளை அவருடைய வலைப்பூவில் தருகின்றார். கவிதைகள் சூப்பரா இருக்குமுங்க போய் வாசித்துப்பாருங்க!

சரி வலையுலக பட்டாம்பூச்சி விருதுகளின் விதிக்கு அமைய ( பட்டாம் பூச்சி விருது யாரால், எப்போ, அறிமுகப்படுத்தப்பட்டது தெரிந்தவர்கள் சொல்லுங்களேன்) நமக்கு பிடித்த மூன்று நண்பர்களுக்கு கொடுக்கனும். சரி நம்ம விருது கொடுத்தா யாரு வாங்குவானு ஒரு பயத்தோடு யோசித்து யோசித்து யோசித்து... (யோசித்தது போதும் நிப்பாட்டுனு சொல்லுறிங்களா?) சரி பட்டாம் பூச்சி விருதை இவர்களுக்கு நான் கொடுத்தா வாங்குவார்கள் என்ற நம்பிக்கையில் ஒரு முன் அறிவித்தல் இல்லாமலே அறிவித்துட்டேன்! நண்பர் கமல் (தமிழ் மதுரம்!), நண்பர் கவின் (கவின் பார்வையில்), நண்பர் ஸ்ரீதர்ஷன் ஆகியோருக்குதான்.

என்னது நண்பர்களே வாங்கி கொள்வீர்கள் தானே?

கமல் ( தமிழ் மதுரம் )

சரி முதலில் கமலைப்பற்றி பார்ப்போம் இவர் எனக்கு வலையுலகில் அதிக ஊக்கம் கொடுத்தவர்களில் ஒருவர். அதோடு கமலின் பதிவுகளில் எதையுமே பிரித்து பாக்க முடியாதளவிற்கு எல்லாமே சூப்பரா இருக்கும்.
அரசியல் அலசல், ஒலி நயம், ஒளிக் கீற்றுக்கள், கவிதைக் கலசம்,
பல் சுவைக் கதம்பம், ஊர்ப் புதினம், என்ற பிரிவுகளில் கலக்கி இருபார்!

கமலின் ஒரு ஸ்பெசல் என்னவென்றால் குரல் பதிவு போடுவது தான். வலையுலக நண்பர்களுடன் இணைந்து பல்வேறு விடயங்களை அலசி ஒரு குரல் பதிவா தருவது. எதிர்கால யாழ்ப்பாணம் எப்படி இருக்கும்?? என்ற தலைப்பில் நண்பர் புல்லட்டுடனும், அப்புகுட்டியுடனும் இணைந்து ஒரு குரல் பதிவு சூப்பரா இருந்தது. கேட்டுப்பாருங்க! வளங்கொழித்த தமிழும் வழக்கொழிந்த தமிழும்..! தலைப்பில் ஹேமா அக்காவுடன் இணைந்து இன்னொரு பதிவு அதுவும் சூப்பர்.

நான் கட்ட(க்) கவுணொடு குட்டி ஒன்றைக் கண்டேன்..!, தேடலும் தெறிப்பும் . எரிகின்ற எனது நகரம்! (4) நக்கலும் நளினமும்! (02)
மறைந்திருக்கும் மர்மங்கள்...!
புதுமைகள் படைக்கும் புதுவையின் கவிதைகள்! பாகம் (04...

இப்படி இன்னும் ஏராளம் இருக்கு.

நன்றியுடன் வாழ்த்துக்கள் கமல்.

கவின் (கவின் பார்வையில்)

இன்னும் மீதமிருக்கின்றது வாழ்வின் இரகசியங்கள் எனும் தொடங்கும் கவினின் வலைப்பதிவு கவிதகள், காதல் கவிதைகள் என்று இரு பிரிவுகள் மட்டுமே இருந்தாலும் இன்னும் பல விடயங்களை பகிர்ந்திருக்கின்றார். அடிக்கடி பதிவுகள் போடாவிட்டாலும் போடுகின்ற பதிவுகள் சூப்பரா இருக்கும். எவ்வளவு சீரியஸ்சான் விஷயத்தையும் நகைச்சுவையாக தந்து சீரியஸாக்கிடுவார்.( நான் சொல்லுவது ஏதாவது புரிஞ்சதா, புரியாவிட்டால் உடனே கவினின் பார்வைக்கு போங்க புரியும்)

அடிக்கடி புது புது முகங்களுடன் வருவார் சின்ன குழந்தாயாய் சிரிந்து கொண்டுய்ருப்பார் திடிரென்று சீரியஸ்சான முகத்துடன் இருப்பார். இப்ப குழந்தையாய் தான் இருக்காரு, ஆனா பாருங்க கவினின் ஈ மெய்ல கடவுச்சொல்லை எந்தப்படும் பாவியோ திருடிவிட்டானாம், ம்ம்ம் எதை எதையெல்லாம் திருடுராங்க பாத்திங்களா?

கவினின் பதிவுகளில் பிடித்தது பல அவைகளில் சில‌

பெரிதாக சொல்ல எதுவுமில்லை பல வலைப்பூக்களை பார்த்து ஆர்வத்தால் எழுத வந்த ஒருவன் என கூறிகொண்டு வலையுலகிற்கு நுழைந்தவர்தான் நம்ம நண்பர் தர்ஷன். இவர் ஒரு விஞ்ஞான ஆசிரியர்ங்க ( நமக்கு விஞ்ஞானம் எல்லாம் அலர்ஜிக்) இது அது என வகைப்படுத்தாமல் ஒரு மிக்ஸீங்க அண்மைகாலமாக கலக்கி வருகிறார். அதுலையும் சினிமாப்பற்றிய அலசல் சூப்பராகவே இருக்கும். சொதப்புவரா கமல் என்ற பதிவு விகடனிலும் சூப்பர் ஹிட்டானது! பெரியார் மேல் ரொம்ப பிரியமானவர் என நினைக்கின்றேன் அடிக்கடி பதிவுகளில் பெரியாரை ஞாபகப்படுத்துவார்.

பெண்ணியமும் பெரியாரும் என்ற தலைப்பில் மகளிர் தினத்தன்று ஒரு அருமையான ஆக்கம் இருந்தது, ஆனாலும் அன்மைகாலமாக சினிமாப்பற்றிய பதிவுகளினால் தான் அதிகமானோர் கண்களில்ப்பட்டிருக்கார் என்று சொன்னால் மிகையில்லை. ஆனால் அவருடைய பதிவுகளில் அதைவிட அழகான ஆக்கங்கள் பல் உள்ளன்.
தமிழகச் சொந்தங்களுக்கு மலையகத்திலிருந்து ஓர் விண்ணப்பம் என்ற தலைப்பில் ஒரு அருமாயான ஆக்கம் பதிவு செய்திருந்தார். பகுத்தறிவு சிந்தனை கொண்டவர்தாங்க நம்ம தர்ஷன்? என்ன தர்ஷன் நான் சொல்வது சரியா? ஏதாவது பிழையென்றால் பக்கத்துல உள்ளவருக்கு இழுத்து மூஞ்சில குத்திடுஙக . ஹா ஹா..

தர்ஷனின் பதிவுகளில் சில,
அம்மா தமிழனக் காப்பாத்தும்மா

எல்லாப் புகழும் ரஹ்மானுக்கே

படமெடுப்பது எப்படி Dr.விஜய் கௌதம் மேனனுக்கு ஆலோசனை

தமிழா தமிழா

ரஜினி the mass

சொதப்புவரா கமல்

கவிதை போல ஏதோ ஒன்று

தமிழகச் சொந்தங்களுக்கு மலையகத்திலிருந்து ஓர் விண்ணப்பம்

நன்றியுடன் வாழ்த்துக்கள் தர்ஷன்

பட்டாம்பூச்சி விருதின் விதிப்படி உங்கள் தளத்தில் இந்த பட்டாம்பூச்சியை பறக்கவிட்டு, பட்டாம்பூச்சியை சொடிக்கினால் இந்த பதிவுக்கு வருமாறு தொடர்பு கொடுத்துவிடுங்கள். நீங்கள் உங்களுக்கு பிடித்த மூன்று நண்பர்களுக்கு இந்த விருதை அளித்திடுங்கள்.

அன்புடன்
கலை ‍- இராகலை

நெஞ்சம் பொறுக்குதில்லையே இந்த நிலைகெட்ட மனிதரை நினைத்துவிட்டால்!!!!!

2009-03-27T22:55:00.001+05:30

சும்மா படத்தை சொடுக்கி பாருங்க ப்லீஸ்..!

ஊரார் பிள்ளையை ஊட்டி வளர்த்தால்... (இலங்கை)

2009-03-26T10:12:00.008+05:30

இன்று வீரகேசரி பத்திரிக்கையில் முதல் பக்கத்தில் உள்ள ஒரு படத்தை பார்த்த‌துமே நம்பவே முடியலங்க! ஷாக்காயிட்டேன்!

உலக நாடுகளோடு இலங்கையிலும் யுத்ததில் பாதிக்கப்பட்ட நமது சகோதரர்களுக்கு நிவாரண பொருட்களும் நிதிவுதவிகளும் சேகரித்து கொண்டிருக்கையில் மியன்மாரில் சூறாவளியினால் பாதிக்கப்பட்ட மக்களுக்கு 22 ஆயிரம் அமெரிக்க டொலர்களை இலங்கை வழங்கிவுள்ளது, என புகைப்படத்துடன் ஒரு செய்தி. “ஊரார் பிள்ளையை ஊட்டி வளர்த்தால், தன் பிள்ளை தானே வளரும்” என நினைத்திருப்பார்களே! ம்ம்ம்

சரி சந்தோசப்பட்டுக்கொண்டு பக்கங்களை திருப்பினா இடையில் சில புகைபடங்களுடன் ஒரு செய்தி. படங்கள் கீழே. படத்தின் மேல் சொடுக்கி கொஞ்ச‌ம் வாசித்து பாருங்களேன்.!!

நன்றி வீரகேசரி
http://www.virakesari.lk/VIRA/homeslide.asp

உருகியதே எனதுள்ளம்

2009-03-25T17:12:00.003+05:30

இந்த சின்னக்குயிலின் குரலில் ஒரு தரம் நீங்களும் இப்பாடலை கேட்டுப்பாருங்களே!

மலர்களே மலர்களே இது என்ன கனவா?
மலைகளே மலைகளே இது என்ன நினைவா?
உருகியதே எனதுள்ளம்
பெருகியதே விழிவெள்ளம்

விண்ணோடும் நீதான்
மண்ணோடும் நீதான்
கண்ணோடும் நீதான் வா ஆ அஅஅ...
(மலர்களே..)

மேகம் திறந்துகொண்டு
மண்ணில் இறங்கி வந்து
மார்பில் ஒளிந்துக் கொள்ள வா வா

மார்பில் ஒளிந்துக் கொண்டால்
மாறன் அம்பு வரும்
கூந்தலில் ஒளிந்துக் கொள்ள வரவா

என் கூந்தல் தேவன் தூங்கும் பள்ளி அறையா அறையா!
மலர் சூடும் வயதில் என்னை மறந்து போவது தான் முறையா?

நினைக்காத நேரமில்லை காதல் ரதியே ரதியே..
உன் பேரைச் சொன்னால் போதும் நின்று வழிவிடும் காதல் நதியே..

என் ஸ்வாசம் உன் மூச்சில்..
உன் வார்த்தை என் பேச்சில்..
ஐந்தாறு நூற்றாண்டு வாழ்வோம் என் வாழ்வே வா..
(மலர்களே..)

பூவில் நாவிருந்தால்
காற்று வாய்திறந்தால்
காதல் காதல் என்று பேசும்..

நிலா தமிழறிந்தால்
அலை மொழி அறிந்தால்
நம் மேல் கவி எழுதி வீசும்..

வாழ்வோடு வளர்பிறை தானே வண்ண நிலவே நிலவே..
வானோடு நீலம் போலே இழைந்து கொண்டது இந்த உறவே..

உறங்காத நேரம் கூட உந்தன் கனவே கனவே..
ஊனோடு உயிரைப் போலே உறைந்து போனது தான் உறவே..

மறக்காது உன் ராகம்
மரிக்காது என் தேகம்

உனக்காக உயிர் வாழ்வேன், வா என் வாழ்வே வா..
(மலர்களே..)

மீண்டும் விகடனுக்கு மனமார்ந்த நன்றிகள்!!!

2009-03-24T21:37:00.002+05:30

தியானம் 2

2009-03-24T18:54:00.001+05:30

தியானம் முதல் பகுதி இங்கே.....

தியானம் 2

தியானம் என்ற முதல் பகுதியை எழுதியதில் ரொம்ப திருப்தி, ஏன்னா அதுல ரொம்ப இட் கிடைச்சது, மட்டுமல்ல விகடனிலும் பிரசுரித்து மேலும் ஊக்கப்படுத்தியிருந்தாங்க. அதோட நம்ம நண்பர்கள் எல்லாமே பின்னுட்டம் மூலம் கொடுத்த ஊக்கத்தில் தைரியத்தில் இரண்டாவது பதிவு தொடர்கிறது. முதல் பதிவில் ஒரு சில விடயங்களை தெளிவுப்படுத்தவில்லை என்று அதை அழகா பின்னுட்டத்தில் எப்படி எழுதியிருக்க வேண்டும் என கூறியிருந்த நண்பருக்கும் (அறிவே தெய்வம்) நன்றியை சொல்லிக்கொண்டு நேரா பதிவுக்குள் போவோம்.

"தியானத்தின் போது இதயத் துடிப்பு நிமிடத்திற்கு மூன்று தரம் குறைவாகத் துடிக்கிறது. நமது மூளை, ஒரு நல்ல தூக்க நிலையின் போது உண்டாகும் "ஆல்பா" நிலையினை அடைகிறது.மின்சக்தியை எதிர்க்கும் சுமார் ஒரு மரத்து போன தோல் உணர்வு நிலை சுமார் நான்கு மடங்கு அதிகமாகிறது. மனிதர்கள் மிக அமைதி அடைந்தவர்களாகக் காண்ப்படிகிறார்கள் என ஹார்டுவர்டு மருத்துவ பேராசிரியர் பென்சன் கூறுகிறார்.

ஆகவே தியானத்தின் உண்மை தன்மையை (நன்மையை) விஞ்ஞான மூலமும்
தெளிவுப்படுத்துகிறார்கள். அதேபோல் அமெரிக்காவின் ஹார்டு வார்ட் பல்கலைக்கழகத்திலும் கலிபோர்னியா பல்கலைக்கழகத்திலும் பலரைத் தியானம் செய்ய கூறி அவர்களது ரத்த அழுத்தம், இதயத்துடிப்பு, ஆசனவாயின் வெப்பநிலை,தோலின் உண்ர்வு,மூளையின் மின் துடிப்பு முதலியவற்றை மருத்துவக் கருவி கொண்டு சோதித்தனர். தியானத்தின்போது நமது ஆக்சிஜன் தேவை குறைந்து அதே போல வெளிவரும் மூச்சில் கார்பனைட் ஆக்சைடின் அளவும் குறைந்தது. அதாவது மனிதன் நல்ல நினைவுடன் விழிப்பு நிலையில் இருக்கும் போது தியானம் செய்தவன் மூலம், தூக்க நிலையையும் கடந்து ஓர் உரிய ஓய்வை உடல் பூரணமாக அனுபவிக்கிறது என கண்டனறாம். நமது உடலின் உள்ளே நிகழும் உணவு மாறுபாடுகள், ரசாயன் மாற்றங்கள் எல்லாம் சுமார் 20 சதம் குறைகின்றன எனவும் அறிந்துள்ளனர். (இதற்கான ஆதாரம் தேடியும் கிடைக்க வில்லை யாருக்காவது தெரிந்தால் பகிர்ந்து கொள்ளுங்கள்.)

தியான‌த்தில் இவ்வளவு உண்மைகள் இருக்கின்ற போதிலும் யாருமே தானாய் முன் வந்து நாளுக்கு ஒரு 30 நிமிடம் சொலவு செய்ய விரும்பாமைக்கு காரணம் ஏதுவாயிருக்கும்? பொதுவாக நோக்கினோமானால் தியானத்திப்பற்றிய போதிய அறிவினை எந்த பாடசாலை புத்தகங்களிலும் வழங்காமை, தியானத்தை இந்து அல்லது பெளத்த மதம் சார்பானவை என பலரும் என்னுதல், அதோடு தியானத்தை மதம் சார்ந்த அமைப்புகள் கொண்டு நடாத்துவதையும் குறிப்பிடலாம். ஒரு நாளுக்கு 30 நிமிடம் நாம் தியானத்திற்கு சொலவிடுவதால் மீதி 23.5 மணித்தியாலம் நிம்மதியடையலாம் என்பதை தெளிவுப்படுத்த வேண்டும். அதோடு பாடசாலைகளில் இதற்கு நேரம் ஒதுக்கி பயிற்சியினை அழிப்பதன் மூலம் தியானத்தின் உண்மை நிலையினை பலரும் புரிந்துக்கொள்ள வழிவகுக்கலாம்.

"ஒரு நாட்டில் ஒரு சதவீத மக்கள் தியானம் செய்வதால் அந்நாட்டில் 10 சதவீத குற்றமும், களவும், கொலையும் குறையும்" என்று ஞானிகள் கூறுவர்.

தியானத்தை பின்ப்பற்ற‌ மதம் தேவையில்லை தியானத்தின் போது ஓம், சிவாய நம, யேசு, அல்லா, புத்தம் இப்படி எதுவேண்டுமானாலும் உபயோகிக்கலாம்.நம்மை நாமே அறிந்து கொள்ள, நம்மில் உள்ள சக்தியை உணர்ந்துக்கொள்ள ஒரு முறை தான் தியானம்.

தியானம் தொடரும்...

அறிவே தெய்வம் என்பவரால் விபஸ்ஸனா தியான முறை பற்றி தெரிந்துக்கொண்டேன் நீங்களும்...

இலங்கையின் செங்கோல்

2009-03-21T19:44:00.001+05:30

இதுதான் இலங்கை பாராளுமன்றத்தின் அதிகாரச் சின்னமாகத் திகழும் செங்கோல்.நேர்த்திமிக்க அலங்கரிப்பும் புரதான வணக்கத்தலங்களின் வடிவமைப்பையும்,அலங்காரத்தினையும் கொண்டதாக இது காணப்படுகிறது.
அத்துடன் பாராளுமன்ற ஆட்சியின் விழுமியங்களையும்,தத்துவ கோட்பாடுகளையும் குறிக்கும் நித்தியதன்மை,அழகு,பரிபூரண
சமாதானம்,நிரந்தரத் தன்மை,வளர்ச்சி, செழுமை,தூய்மை என்பவற்றின், அடையாளமாக இது திகழ்கிறது. செங்கோலானது பாராளுமன்றத்தில் சபாநாயகரின் அதிகாரச்சின்னமாகவும் திகழ்வதால் பாராளுமன்றம் கூடும் போது செங்கோல் வைக்கப்படுவது அவசியமாகும்.

இப்படிப்பட்ட செங்கோலை ஆளுங்கட்சியின் அமைச்சர் ஒருவர் அதனை தூக்கிக் கொண்டு சபையைவிட்டு ஓடினார்,ஓடிய அவர் அதனை எங்கோ ஒளித்து விட்டு பின்னர் பிற்பகலில் அது மீட்கப்பட்டது , என்பதலாம் வேறுவிட‌யம். சரி நாம் விசயதுக்கு வருவோம்.

செங்கோல் 1949 ம் ஆண்டு பிரித்தானியப் பொதுச்சபையினால் இலங்கைப் பிரதிநிதிகள் சபைக்கு அன்பளிப்பாக வழங்கப்பட்டது. அது 28 இறாத்தல் நிறையைக் கொண்டுள்ளதோடு 48 அங்குல நீளமுடையது. இச் செங்கோல், கருங்காலி மரத்தினால் செய்யப்பட்டு, வெள்ளி, 18 கரட் தங்கம், நீலமாணிக்கக்கற்கள் என்பவற்றினால் அலங்கரிக்கப்பட்டுள்ளது.

சபாநாயகர் சபாமண்டபத்திற்கு வருகை தரும் போதும், வெளியேறும் போதும், அவருக்கு முன்னே, படைக்கலச்சேவிதர் செங்கோலை ஏந்தியபடி செல்ல, அவரைத் தொடர்ந்து பாராளுமன்றச் செயலாளர் நாயகமும், பிரதிச் செயலாளர் நாயகமும் உதவிச் செயலாளர் நாயகமும் செல்வர்.

பாராளுமன்ற அமர்வு நடைபெற்றுக் கொண்டிருக்கும்போது பாராளுமன்றச் செயலாளர் நாயகத்திற்கான மேசைக்குக் கீழே, அதற்கென அமைக்கப்பட்டுள்ள தாங்கியில் செங்கோல் காணப்படும்.
செங்கோல் மட்டுமே இருக்கும், ஆனால் செங்கோல் ஆட்சி.......???.....

2009-03-20T21:40:00.003+05:30

எனது வலைப்பதிவில் மாற்றங்களை ஏற்ப்படுத்திய புலக்கர் ஒழிக!!!

ஆர்தர் சி கிளார்க் நினைவு தினம் (19.03.2009)

2009-03-19T07:21:00.005+05:30

(Sir Arthur Charles Clarke, 16.12.1917 - 19.03.2008)

பிரித்தானியாவைச் சேர்ந்த ஆர்தர் சி கிளார்க் 1917 ஆம் ஆண்டு பிறந்தார். 1956 ஆம் ஆண்டு இலங்கைக்கு வருகை தந்து குடியுரிமையைப் பெற்ற அவர், தனது இறுதிக்காலம் வரை இலங்கையிலே வாழ்ந்து வந்தார்.

2001: ஏ ஸ்பேஸ் ஒடிசி' மூலம்
அதிகளவுக்கு பிரபல்யம் பெற்ற ஆர்தர் சி கிளார்க் இங்கிலாந்தில் 1917 டிசம்பர் 16 இல் பிறந்தவர். இரண்டாம் உலக மகாயுத்தத்தின்போது பிரிட்டிஷ் றோயல் விமானப்படையின் ராடார் நிபுணராக பணிபுரிந்தார். தொடர்பாடல்களுக்கு பூமியை சுற்றிவரும் செய்மதிகளை உபயோகப்படுத்த முடியுமென முதலில் கருத்தினை முன்வைத்தவர்களில் கிளார்க்கும் ஒருவராவார். மனிதனால் சந்திரனுக்கு செல்ல முடியுமென்று 1940 களில் எதிர்வு கூறியவர் ஆர்தர் சி கிளார்க். அச்சமயம் இதனை உபயோகமற்ற கதையென சிந்தனையாளர்கள் நிராகரித்திருந்தனர்.

1969 இல் நீல் ஆம்ஸ் ரோங் சந்திரனில் இறங்கியபோது, கிளார்க்கின் புத்தி ஜீவித்தனமான வழிகாட்டுதலே சந்திரனுக்கு செல்வதற்கு தம்மை வழிநடத்தியதாக அமெரிக்கா தெரிவித்திருந்தது.

ஆர்தர் சி கிளார்க் சுமார் 100 புத்தகங்களையும் நூற்றுக்கணக்கான சிறுகதைகளையும் கட்டுரைகளையும் எழுதியுள்ளார். அநேகமாக எழுத்தாளர் என்றே அவர் நினைவு கூரப்பட்டார்.

விஞ்ஞானப்புனைகதைகளிலும் பார்க்க பார்வையாளர்கள் மத்தியில் பெரும் வரவேற்பைப் பெற்றது. 2001: ஏ ஸ்பேஸ் ஒடிசி(2001: A space odyssey) அவருக்கு அதிக புகழை ஈட்டிக் கொடுத்தது.

இலங்கையில் அமைதி திரும்பவேண்டும் என்பதே தனது விருப்பம் என தனது இறுதி பிறந்த தினத்தை கொண்டாடிய போது அவர் கூறி இருந்தார் என்பது குறிப்பிட தக்கது.

மேலும் ஆர்தர் சி கிளார்க்ப்பற்றி படிக்க..

உன் பார்வை

2009-03-18T18:32:00.000+05:30

நீ
கடந்து
போன தடயமே
இல்லாமல்
அமைதியாய்
இருக்கிறது
வீதி.!

ஆச்சரியம்!
அதி வேக‌
ரயிலொன்று
கடந்து போன‌
தண்டவாளம் போல்
இன்னும்
அதிர்கிறது
என்
இதயம்.

தந்தைக்கு ஒரு தாலாட்டு

2009-03-15T14:04:00.004+05:30

கவிஞ்சர் மு.மேத்தா அவர்களின் "இதயத்தில் நாற்காலி" என்ற நூலில் தந்தைக்கு ஒரு தாலாட்டு என்ற கவிதையை படித்தேன். மிகவும் பிடித்திருந்தது. நீண்ட நாட்களாகவே இந்த கவிதயை பகிர்ந்து கொள்ள வேண்டும் என நினைத்தேன். நேரம் இதோ வந்து விட்டது. நான் இரசித்த கவி நீங்களும் இரசிப்பீர்கள் என்ற நம்பிக்கையில்...

தந்தைக்கு ஒரு தாலாட்டு

துருதுருத்த கவலைகளில்
தூக்கமில்லா இரவுகளில்
தவிதவிக்கும் தந்தையே!
நான்
தாலாட்டுப் பாடட்டுமா?

ஓய்வெடுக்க மனமின்றி
உழைப்பதற்கும் வழியின்றி
பாய் வெறுத்த தந்தையே
நான்
பாட்டொன்று பாடட்டுமா?

நீதியின் பாதையிலே
நெடும் பயணம் நடத்தியதால்
பாதியாய் ஆனவரே
நான்
பாராட்டுக் கூறட்டுமா..?

தேரோடும் கனவுகளைத்
தெருவேடு அனுப்பிவிட்டுப்
போராடி வாழ்ந்தவரே
நான்
புகழ்மாலை போடட்டுமா...?

ஒன்பதாம் வயது முதல்
உருகியதை அறியாத‌
மெழுகுவர்த்தி தேம்புவதை
நான்
மேடை கட்டிப் பேசட்டுமா?

சற்று நீ கண்மூடி
சாய்ந்திருப்பாய் தலையணையில் உன்னைத்
தட்டிக் கொடுப்பதற்கு
நான்
சந்திரனை அனுப்புகிறேன்!

உன் கண்ணை மூடி நீ
ஓய்வெடுப்பாய் சிறுநேரம் நீ
தூங்கி விழித்தவுடன்
நான்
சூரியனை அனுப்புகிறேன்!

பூமி உனக்களித்த‌
புழுக்கத்தை நீ மறந்து
கண் துயில்வாய் சிறு நேரம்
நான்
காற்றை அனுப்புகிறேன்!

வாழ்க்கை உனக்குச் செய்த‌
வஞ்சகத்தை நீ மறந்து
சிறுபொழுது கண்ணயர்வாய்
நான்
தென்றலை அனுப்புகிறேன்!

விடிந்தால் என் வாழ்வில்
வெளிச்சம் வரும்! வந்தவுடன்
அடைந்த வெளிச்சத்தை
நான்
அப்படியே அனுப்புகிறேன்!

மு.மேத்தா
நூல்:இதயத்தில் நாற்காலி

பாருங்கப்பா குழந்தைகள் கருவிலே சிந்திக்க தொடங்கிடுச்சி

2009-03-14T12:22:00.004+05:30

பி.கு. படம் நீண்ட நாட்டகளுக்கு முன் மின்னஞல் மூலம் கிடைத்தது யாருடைய சிந்தனை (கார்ட்டூன்) என்று தெரியல அந்த முகம் தெரியா நண்பருக்கு நன்றி.

யூத்ஃபுல் விகடனில் எனது முந்தைய பதிவான தியானம்

2009-03-13T19:16:00.004+05:30

http://youthful.vikatan.com/youth/bcorner.asp

யூத்ஃபுல் விகடனில் எனது முந்தைய பதிவான் "தியானம்" குட் Blogs என்ற பகுதியில் பிரசுரமாகியிருக்கின்றது. ஆனால் விடயம் லோட்டாதான் கிடைத்தது."தியானம்" என்ற கட்டுரையை பிரசுரித்தமைக்கு விகடன் மற்றும் குழுவினருக்கு எனது மனமார்ந்த நன்றிகள். அதோடு இந்த செய்தியை அறிய தந்த நண்பரான Sriram கும் இந்த கட்டுரையை எழுத தூண்டிய நண்பர் ஆதவாவிற்கும் மனமார்ந்த நன்றிகள்.பதிவிற்கு பின்னூட்டமிட்ட என அணைத்து நண்பர்களுக்கும் மிக்க நன்றிகள்.

தியானம்
http://ckalaikumar.blogspot.com/2009/03/blog-post_11.html

பிரியமானவளே

2009-03-13T14:28:00.003+05:30

என்
பிரியமானவளே!
உள்ளத்தில்
சுடர்விட்டெரியும்
தீயை
கண்ணீர் துளி
கொண்டு அணைக்க‌
முயல்கின்றேன்

கண்ணீரே இல்லாமல்
வரண்ட விட்ட‌
என் கண்கள்
நீயின்றி
உன்
நினைவுகளுடன்
உறங்க மறுக்கின்றது
என்பதை நீ
அறிவாயா?

யார் எது
கூறினால் என்ன‌?
உன் மீது
நான் கொண்ட‌
அன்பும்
என் மீது
நீ கொண்ட அன்பும்
மாறிடுமோ?

கனவை தந்தவளே
என்
கண்மணியே
உறக்கத்தை மட்டும்
பறித்தாயே!

உன் மீது
கொண்ட காதலுக்கு
காலமே பதில்
சொல்லட்டும்.

- சானா.கலை
இராகலை

தியானம்

2009-03-11T22:03:00.002+05:30

அன்பு,அமைதி, நிம்மதி, சந்தோஷம் போன்றவைகளை மேம்படுத்தி உள் மன உணர்வை வலுப்படுத்துவதே தியானம் என பொதுவாக நாம் வரையரை கூறலாம் என நான் நினைக்கின்றேன்.

தியானம் செய்வதற்காக பொதுவாக அமைதியான இடங்களையே தேர்ந்து எடுத்துக்கொள்வர். தியானத்தில் ஈடுபடும் போது, தான் விரும்பி வணங்கும் தெய்வத்தையோ , ஒரு பொருளையோ, அல்லது ஒரு கருத்தையோ நினைவில் நிறுத்திக்கொண்டு மன எண்ண ஓட்டங்கள் உருவாவதை தடுத்து நிறுத்துவதன் மூலம் அமைதியை அடையலாம் என்பதே தியானத்தின் நோக்கம் என எடுத்துக்கொள்ளலாம்.

மனதின் எண்ண ஓட்டத்தை துடுத்து நிறுத்துவதற்க்காக நமது ரிஷிகளும், முனிவர்களும் தியானம் செய்து வந்ததை நாம் புராணங்களில் படித்திருக்கின்றோம்.இப்படி தியானம் செய்பவர்கள் தன்னை வருத்திக்கொண்டு அதாவது ஒரு வேளை ஆகாரமருந்தி , மற்றும் நித்திரைக்கொள்ளாமல் தியானம் செய்ததாக நாம் கேள்விப்பட்டிடுப்போம். ஆனால் இன்றைய சூழ்நிலையில் இது எந்த வகையிலும் சரிவராத காரணியாகவே அமையும். அமைதியை தேட போய் உடலின் ஆரோக்கிய தன்மையை இழக்க வேண்டி வருமே தவிர அமைதியடைய முடையாது.மெலிந்தால் முனிவருக்கழகு என்பார்கள் ஆனால் நமக்கு எவ்வளவு பொருந்தும் என தெரியவில்லை எனக்கு.

என்னை பொருத்த வரை இப்படி எம்மை வருத்திக்கொண்டு எண்ண ஓட்டத்தை நிறுத்த வேண்டுமா என்பதே எனது கேள்வி. ஒரு அழகான பாடலையோ, இசையயோ அல்லது சம்பவங்களையோ நாம் கேட்டகும் போது பார்க்கும் போது எமது எண்ண ஓட்டம் நின்று ஓர் அமைதியான நிலைக்கு நாம் உந்தப்படுவோம். அந்த சந்தர்ப்பங்களில் நாம் எதையும் நினைப்பதில்லை எதற்கும் ஆசைப்படுவதுமில்லை.மெய் மறந்து அந்த பாடலை கேட்டேன் என நம்மில் பலர் சொல்ல கேட்டு இருக்கின்றோம், அதாவது நாம் செய்யும் எல்லா காரியங்களிலும் முழு மனதுடன் இருப்போமானால் மனதின் எண்ண ஓட்டத்தை நிறுத்த முடியும் ஆகவே எமக்கு
தனியே சென்று அமைதியான இடத்தில் தியானம் செய்ய வேண்டியிருக்காது.

ஒருவன் தன் முழு மனதையும் தன் கட்டுப்பாட்டுக்குள் கொண்டுவரமுடியாதப்பட்சத்திலே தான் தனிமையான இடங்களுக்கு சென்று தியானம் செய்ய வேண்டி இருக்கின்றது. ஒருவன் தன் மனதை தன் கட்டுப்பாட்டுக்குள் வைத்திருக்க தனது மனதில் உள்ள எண்ண ஓட்டத்தை ஆழ்ந்து கவனித்துக்கொண்டு வர‌ வேண்டும் என கூறப்படுகின்றது. அப்படி கவனித்துக்கொள்ள சுய அறிவு அவசியாமாகும். அப்படி எமது மன எண்ண ஓட்டத்தை தெரிந்துக்கொண்டால் எம்முடைய ஆற்றலை நாமே உணர்ந்து கொள்ளலாம் அதன் மூலம் எமது புத்தி நுட்பத்தை அதிகரித்து கொள்ள முடியும்.இதன் மூலம் நாம் தெளிவான நிலையை அடையும் போது எது சரி பிழை என உணர்ந்து அதன் மூலம் அமைதியடையலாம்.

தன்னை தானே அறிய முடியாதப்பட்டச்த்தில் தான் தியானம் தேவைப்படுகின்றது அல்லது வேண்டப்படுகின்றது என கூறலாம்.
தியானம் தொடரும்......

முதல் பதிவு
தியானம்
http://ckalaikumar.blogspot.com/2009/02/blog-post_19.html

பி.கு:
## ஆதவா February 20, 2009 7:47 AM
மனதிற்குள் அமைதியை இருத்தும் நிலை, தியானம்.... ஆனால் நீங்கள் இன்னும் கொஞ்சம் எழுதியிருக்கலாம். உதாரணத்தீற்கு, தியானம் எப்படி செய்வது, அதன் வகைகள் (இன்னும் உண்டு) பலன்கள்... இப்படி பல எழுதியிருக்கலாம்...தியானம் செய்தவருக்குத்தான் தெரியும்... அமைதியின் முழுவடிவம்.

Sinthu February 21, 2009 8:28 PM
## அண்ணா தியானம் என்றால் என்ன? அதை தேடி பலா நாட்கள் அலைந்தவள் நான்..பலருக்கும் விளங்குவதட்காக கொஞ்சம் வரைவிலக்கணத்தைச் சொல்லுங்களேன்..

பெண்கள் தினமும் மலையக பெண்களும்

2009-03-07T22:37:00.018+05:30

மார்ச் 08 - மகளிர் தின வாழ்த்துக்கள்.(08.03.2009)

பெண்ணுக்குச் சொத்து கூடாதாம், காதல் சுதந்திரம் கூடாதாம். அப்படியானால் மனிதன் தன் தேவைக்குப் பயன்படுத்திக் கொள்ளும் ரப்பர் பொம்மையா அது?

பெண்களை வீட்டுவேலை செய்வது, கோலம் போடுவது, சாணி தட்டுவது, பாத்திரம் கழுவுவது, கும்மியடிப்பது, கோலாட்ட மடிப்பது என்பது போன்ற அடிமை வேலைக்குத் தயார் செய்யாதீர்கள்.

ஒவ்வொரு பெண்ணும், தானும் ஏதாவது சம்பாதிக்கும் தகுதிபெறத் தக்கபடி ஒரு தொழில் கற்றிருக்க வேண்டும். குறைந்தது தன் வயிற்றுக்குப் போதுமான அளவாவது சம்பாதிக்கத் தகுந்த திறமை இருந்தால், எந்தக் கணவனும் அடிமையாய் நடத்தமாட்டான்.
இவை பெரியாரின் கூற்றுக்கள்
இந்த கூற்றுக்கள் இன்று மகளிர் தினத்திற்காக ஒரு ஞாபக குறிப்பாக வைத்துக்கொள்ளுவோம்.

இன்று 150 ஆண்டுகளுக்கு முன் மேலைத்தேயவர்களினால் இந்தியாவிளிருந்து கோப்பித்தோட்டங்களுக்கும், தேயிலை தோட்டங்களுக்கும் கூலிகளாக கொண்டுவரப்பட்ட மக்கள் கூட்டமே இன்றும் இலங்கையின் பொருளாதரத்தில் முக்கிய பங்கை வகிப்பது யாவரும் அறிந்த உண்மைகள்.(1968 களில் இலங்கை தேசிய வருமானத்தில் 75% ) இன்றைய மகளிர் தினத்தில் அவர்கள் பற்றிய ஒரு பார்வையை உங்கள் முன் வைக்கலாம் என நினைக்கின்றேன். அதற்கு முன் இந்த பாடலையும் ஒரு முறை நினைவு கூறுவது பொருத்தமாகும்.

"கோண கோண மலை ஏறி

கோப்பி பழம் பறிக்கையிலே

ஒரு பழம் தப்பிச்சின்னு

ஒதச்சானாம் சின்ன தோர"

"ஊத்தாத அடமழையில்

ஒதறல் எடுக்குதடா - அந்த

தாத்தான் கணக்கப்புள்ள

கத்தி தொலைக்கிறானே

ஏத்தல ஏறி எறங்க முடியுமா

சீத்துபூத்தன் னெனக்கு

சீவன் வதை போகுதையோ

எத்தனை நாளைக்கிதான் - இந்த

எழவ எடுக்கிறது

வெக்கங்கெட்ட நாயிகளும்

எகத்தாளம் போடுதுன்னு

இருந்துதான் பாத்துடுவோம்"

இந்த பாடலின் வரிகள் மலையக பொண்கள் அவர்களுக்கு இழைக்கும் சுரண்டல்களுக்கு சினம்கொண்டு பாடுவதாகும்.மலையக பெண்கள் இந்த ஆண் ஆதிக்கத்தில் இருந்து இன்னும் முற்று முழுதாகா விடுப்படவில்லை எனபது குறிப்பிடகூடியவொன்று.

இவர்களின் வேலைத்தளங்களைப் பற்றி சிலவற்றை கூற வேண்டும்.

# சாதரணமாக காலை 5 மணிக்கு துயில் எழுந்து (கடும் குளிரிளும்,பனியிலும்) கனவன் உட்டப்பட பிள்ளைகளுக்கு காலை உணவு மற்றும் மதிய உணவு தயார் செய்து பிள்ளைகள் பாடசாலைக்கு செல்ல ஒழுங்கு செய்ய‌ வேண்டும்.

# அதே நேரம் 7.30 மணியலவில் புறப்பட்டு 8.00 மணிக்கு முன் சுமார் 4 - 8 வரையான கிலோ மீற்றர் வரை நடந்தே சொல்ல வேண்டும்.

# தான் பறித்த கொழுந்துகளை தேயிலை தொழிற்சாலையில் இருந்து சுமார் 2 கிலோ மீற்றர் தூரம் இருக்கும் பட்சத்தில் தொழிற்சாலைக்கு தானே சுமந்து வர வேண்டும்.(கற்பினி பெண்கள் இதற்கு விதிவிலகல்ல‌)

# வேலை தளங்களில் இவர்களுக்கு தேனீர் வழங்கப்படமாட்டாது(பொதுவாக வேறு அனைத்து தொழிற்சாலைகளிலும் நிறுவனங்களிலும் தேனீர் வழங்குவது குறிப்பிட தக்கது)

# வேலை தளங்களில் கழிவரைகள் மற்றும் ஓய்வறைகள் இல்லை என்பது முக்கியாமாக கவனத்தில் கொள்ள வேண்டும். (கழிவரைகள் இல்லாத வேலைத்தளம் உலகிலே இதுவொன்றாக தான் இருக்க வேண்டும்)

# மழை காலங்களில் ரப்பர் பொலித்தீன்களை தலைகளுக்கு அணிந்துக் கொண்டு பணிபுரிவார்கள். (அட்டை பூச்சி மற்று விஷ ஜந்துகளிற்கு மத்தியில்)

# முதலுதவி சலுகைகள் கிடையாது.

இவை தவிர இன்னும் ஏராளமான அநீதிகள் இழைக்கப்பட்டும் கேட்டபதற்கு யாரு முன் வராத நிலையில் தொழில் புரிகின்றார்கள்.

இப்பிரசினைகளுக்கு தீர்விற்கு எந்த அரசியல்வாதிளையும் நம்பி பிரயோசனமில்லை. இதுவரை இது போன்ற விடயங்களை எந்த மேடைகளிலும் சரி வேறு இடங்களிலும் சரி அரசியவாதிகள் பேசியதாக சரித்திரம் இல்லை.மக்கள் முன் வந்து ஒன்றுப்பட்டு போராட்டங்களை நடத்தும் வரை விடிவோ விமோசனமோ கிடையாது என்பது மட்டும் உறுதி.

அடுத்ததாக பொண்களின் கல்வியை உற்று நோக்கினால்,

ஓரளவு தற்போது கல்வியில் முன்னேற்றம் கண்டுவருகின்றன என்ற போதும் முழுமை பெறவில்லை என கூறலாம். இவர்களுக்கு கல்வியில் முன்னேற முட்டுக்கட்ட்டையாக இருப்பது பொதுவாகவே வருமானமின்னையே.
மற்றது அக்கறையின்மை, சரியான வழிகாட்டல்கள் இல்லாதமை என்று இன்னும் ஏராளமாக கூறலாம்.

அதோடு ஆசிரியர் தொழிலை தவிர வேறு துறைகளில் அவர்களின் பங்கு மிக மிக அரிதாகவே காணப்படுகின்றது. இதற்கு காரணம் வேறு அரச துறைகளில் எமக்கு இடமில்லை என்பதோடு சகோதரயின‌த்தவர்களுக்கு இணையாக போட்டி போட்டு கல்வி கற்க பாடசாலைகளில் போதிய வளமின்மை.

இன்னும் ஏராளமான அநீதிகள் மலையகத்தில் நடந்து வருகின்ற அதே வேளை வடக்கில் யுத்த சூழ்நிலையில் எம் பொண்களுக்கு ஏற்ப்பட்டு வரும் கொடுமைகளும் ஏராளம் என்பது யாவரும் அறிந்த உண்மையே. இவ்வளவு நடந்தேறிக்கொண்டு இருக்கின்ற வேலையில் எம்மால் எப்படி கூற முடியும் பெண்கள் சரிசமமாக வாழ்கின்றார்கள், பெண் அடிமை ஒழிந்து விட்டது என்று.? ஒரு பக்கம் பெண்கள் இன்று பல்வேறு துறைகளில் முன்னேறி வந்தாலும் கூட இன்னும் பல அடிப்படை தேவைகள் கூட அற்ற நிலையிலே கிராமிய பெண்களின் வாழ்க்கை இன்னும் தொடர்கின்றது

பச்சை பசேலாக
பசுமை நிறைந்ததாக‌
காட்சி கொடுக்கும்
மலையகம் !

அதன்
பசுமைக்குள்
ஒழிந்திருக்கும்
எம் பெண்களின்
ரணங்களும் வேதனைகளும்

அவள்
சிந்து கண்ணீரில்
பூத்து குழுங்கும்
தேயிலைச் சொடிகள்.

கண்ணீர் வெளிவராமல்
காவல் காக்கும்
மலைகளும்
அதிகாரவர்க்கமும்.

உனது
சோக கீதத்தை
காற்றினில்
பரவ செய்திடு

உனக்கொரு
விடிவு தேடி
விழித்திரு
இல்லையேல்
இன்னும்
பல யுகங்கள்
விடியாமலே
போய்விடும்.

உனக்கு
துணையாக‌
நாம்மிருப்போம்.
சிறகு
விரித்து பறந்திடு.

- சானா.கலை
இராகலை

உழைக்கும் கரங்களே உங்களுக்கு மணமார்ந்த நன்றிகளும் வணக்கங்களும். உங்களுக்கு தலைவணங்குகின்றேன்.

பெரியாரின் கூற்றுக்கள் பெரியார் என்ற வலைதளத்திலிருந்து எடுக்கப்பட்டவை. அத்தளத்திற்க்கு எனது மனமார்ந்த நன்றிகள்.

பெண்கள் தினத்தைப்பற்றி தகவல்களை இங்கு பெற்றுக்கொள்ளலாம்.
ரசனைக்காரி....
internationalwomensday...

இதனோடு தொடர்புடைய கவி்தைகள் சில

தேயிலைச் செடி
சந்தியில் நடந்த கதை

மலையகம் தொடர்பான வலைப்பதிவு
நண்பரும் சக வலைப்பதிவாளருமான நிர்ஷனின் புதிய மலையகம் வலைப்பதிவு

முரண்களின் முகவரி

2009-03-05T00:09:00.001+05:30

கொள்ளைக்காரனிடம்
தப்பி வந்து
காக்கிச்சட்டையிடம்
பறிகொடுக்கும் நீ!

~~~~~~~~~~~~~~~~~~

வயிற்றுப் பிழைப்பிற்காய்
வெளிநாடு சென்று
வயிறு சுமந்து வரும் நீ!

~~~~~~~~~~~~~~~~~~

காமுகனிடம்
தப்பித்து
காதலனிடம் கற்பிழக்கும் நீ!

~~~~~~~~~~~~~~~~~~

வறுமைக் கோட்டை கடக்க‌
ஆயுள் ரேகை அழிய‌
உழைத்து உயராத நீ!

~~~~~~~~~~~~~~~~~~

நீ என்ன‌
முரண்களின் முகவரியா?
யார் யாரையோ
குளிர்ச்சிப்படுத்தும்
கவரியா?

திரு.மை.பன்னீர்செல்வம்
நூல்- சில முகங்களும் பல முகமூடிகளும்.
http://ckalaikumar.blogspot.com/2008/11/blog-post_09.html

100வது பதிவும் எழுத்துச் சுதந்திரமும்

2009-02-28T22:20:00.009+05:30

இது எனது நூறாவதுப்பதிவுங்க ஏதோ விளையாட்டா எழுத ஆரம்பித்து 100 பதிவு வரை உங்களுடன் பகிர்ந்து கொண்டதே பெரிய விடயம்.வலைப்பதிவு எழுத ஆரம்பித்ததிலிருந்து எவ்வளவோ முகம் காண நல்ல நண்பர்கள். ஒவ்வொரு பதிவிற்கும் பின்னூட்டத்தின் மூலம்மும், தங்களின் வலைப்பதிவில் தொடுப்பு தந்து, என்னை தொடர்ந்து வருவது மூலமும் ஊக்கம் தந்து, பிழைகளை சுட்டிக்காட்டி வலைப்பதிவிக்கு பலம் சேர்த்து என்னை ஊக்கப்பத்திய அனைத்து நண்பர்களுக்கும் மிக பனிவான வணக்கங்களும் நன்றிகளும்.நீங்கள் தான் என்னை இவ்வளவு தூரம் அழைத்து வந்துள்ளீர்கள்.

இன்னும் எவ்வளவு காலம் தொடர்ந்து எழுத சந்தர்பங்கள் அமைகின்றதோ தெரியவில்லை முடியும் வரை தொடர்ந்துக்கொண்டே இருப்பேன்.என்னுடைய அறுவல்களை நீங்கள் சகித்துக்கொள்வீர்கள் என்ற நம்பிக்கையில்.........

ஒவ்வொரு நாளும் சொல்லிடங்கா துன்பங்களை அனுபவிக்கும் எம்மவர்கள் நிலை கண்டு வேதனையடைவது தான் மிச்சம். ஒவ்வொரு சம்பவங்கள் நடக்கும் போதும் எவ்வளவோ எழுத தோன்றியும் எழுத முடியாமல் இருக்கும் என் நிலை கண்டு வெட்கப்படுவதைத் தவிர வேறு என்ன சொய்வது.எதுவும் சொல்லமுடியாத நிலையில் இருக்கின்றோமா அல்லது அந்த நிலைக்கு தள்ளப்பட்டோமா தெரியவில்லை. உண்மையச் சொல்லப்போனால் இணையத்தளங்களில் செய்திகளை பார்ப்பவர்களை தவிர வேறு எவருக்கும் சரியான முறையில் என்ன நடக்குது என்றே தெரியாது. வெறும் பொய்ப்பிரச்சாரங்களை தான் நம்பியிருக்கின்றன்.காலம் காலமாக காலம் பதில் சொல்லும் எனற நம்பிக்கையில் இன்னும் எவ்வளவு காலம் தான் காத்திருப்பதோ தெரியவில்லை.வீசும் காற்றும் ஆர்ப்பரிக்கும் அலையும் எப்போதும் மிகத் திறமையான மாலுமியின் பக்கமே இருக்கும் என Edward Gibbon என்ற ஆங்கில வரலாற்று ஆசிரியர் ஒருவர் கூறுவது போல காத்திருப்போம்.

எழுத்துச் சுதந்திரம்

நான்
பேனையை ஏந்தினேன்
துப்பாக்கிக்கு அறிவூட்ட‌
அவன்
துப்பாக்கியை ஏந்தினான்
பேனையை அழிக்க‌!!

நான்
உண்மையைச் சொன்னேன்
மக்களை தெளிவாக்க‌
அவன்
பொய்யைச் சொன்னான்
மக்களை மூடனாக்க!!!

நான்
சரி என்றால்
அவன்
பிழை என்பான்

நான் பிழை என்றால்
அவன்
சரி என்கின்றானே!!

இதுயென்ன‌
பேனைக்கும்
துப்பாக்கிகும் ஒரு
யுத்தமா?
ஒன்று முடியும் முன்
இன்னொன்றா? அல்லது
ஒன்றோடு இன்னொன்றையும்
முடித்துவிடும்
சதியா?

நான்
நடந்ததை சொன்னால்
பயங்கிரவாதமாம்
அவன்
நடத்துவது பயங்கரவாதம்
கேட்டால்
அழித்து விடுவான் பின்
அறிக்கை விடுவான்
அழிந்தது பயங்கரவாதம்
என்று.

- சானா.கலை
இராகலை

பாசகார பைய!!

2009-02-27T21:22:00.004+05:30

கம்பீயுட்டருக்கு கொஞம் ஓய்வு கொடுத்துட்டு ஒரு 2 வருஷத்திற்க்கு முன் வெளியான குமுதம் வார இதழை புரட்டிப்பார்தத போது ஒரு குட்டி கதை கண்ணில்ப்பட்டது.வாசித்ததும் சுவாரஸ்யமாக இருந்தது. வாசித்ததே வாசித்தேன் நாலு பேரோடு பகிர்ந்துக்கொண்டால் நல்லாயிருக்குமே என்று நினைத்த கலை மறுபடியும் கம்பீயுட்டருக்கான ஓய்வை இரத்து செய்து விட்டு அந்த கதைய டைப் பன்ன ஆரபித்துவிட்டேன். சரி குமுதம் வார இதழுக்கு நன்றிய சொல்லிவிட்டு அதோட கதைக்கு சொந்தகாரருக்கும் நன்றிய சொலிட்டு கதைக்குள் போவோம்.

பாசகார பைய!! (கதையோட த்லைப்பூங்க)

மூன்று வருட அமெரிக்க வாசத்திற்குப் பிறகு அருண் திரும்பியிருந்தான். கை நிறைய பணம். அம்மா,அப்பா,உற்றார்,உறவினர், என்று அனைவருக்கும் ஐபோட்,டிஜிமூவிகாம், என்று ஏகப்பட்ட பரிசுகளை வழங்கி மிகிழ்வித்தான்.

"ட்ரீட் எப்போ?" என்று மாமா மகள் மாது ஆரம்பிக்க எல்லோரும் ஆர்பரிக்க "ஓகே... வருகிற சனி இரவு பிட்சா ஹாட்டில்" என்றான் அருண்.

சனிகிழமை இரவு‍ பிட்சா ஹட்!
எல்லா ஐட்டங்களையும் அமெரிக்கா ரிடர்ன் அருணே ஆர்டர் செய்வது அவன் தான் புதுப்புது விதமாக சாப்பிட்டுருப்பான் என்று முடிவாயிற்று.
"எல்லோருக்கும் ஜலபினோ சூப்.. அம்மாவுக்கு மட்டும் கேங் ஸ்வாஸா சூப்.." ஆர்டர் எடுப்பவர் குறித்துக்கொள்ள ஆரம்பித்தார்.

அப்புறம் ஸ்டார்டரில் ஹரா கபாப் லாலி 5, ஷம்மி கபாப் 5, சிஸ்பின் ரோல் வித் அவுட் கார்லிக் 5.."

"அப்புறம் மெயின் கோர்ஸில் பேஷ்வரி சனா பனீர் 4, பிட்சா டாகா டக் 3, மார்கரிட்டா 5, ரபானோ 2, வெர்ட்யுர் 2, பார்பிக்யுட் வெஜ் 2.."

மகன் ஆர்டர் செய்யும் வேகத்தைப் பார்த்து அப்பாவும் அம்மாவும் மலைத்துப் போயினர்!

வித விதமான டெஸர்ட்டுகளுடன் விருந்து முடிந்து எல்லோரும் வீடு திரும்பும்போது மணி இரவு பன்னிரண்டரை.

அம்மா சற்றே கண்ணயர்ந்த போது மணி இரவு பன்னிரண்டரை.

அம்மா சற்றே கண்ணயர்ந்து போது, அருண் வந்து எழுப்பினான்.

"அம்மா சாதம் இருக்கா.."

"ஓ இருக்கே..." அம்மா ஆச்சிரியத்துடன் மகனை பார்த்தாள்.

"அதுலே கொஞ்சம் தண்ணீர் ஊற்றி கரைச்சு ஒரு டம்ளர் குடும்மா.."

வியப்புடன் மகனுக்கு சாதத்தில் தண்ணீர் ஊற்றி கரைத்துக் கொடுத்தாள் அம்மா.

அதை அனுபவித்துக் குடித்து விட்டு அருண் சொன்னான்

"அம்மா இப்போதான் திருப்தியா இருக்கு!!.

நன்றி குமுதம்

பி.கு: கதை மீள்பிரசுரிப்பதனால் கதைய அப்படியே டைப் பன்னியிருக்கேன். ஜே.ஜே.விமலியோட கதைய மாற்ற நமக்கு உரிமையில்லை பாருங்கோ!!

மகா சிவராத்திரி

2009-02-22T23:25:00.009+05:30

வார்த்தைகளால் வர்ணிக்கமுடியாத சொல்லொணா அவலத்தை எமது உறவுகள் தினந்தினம் சந்தித்துக் கொண்டிருக்கின்றனர். கொடுமைமிகு இந்த அவல நிலையிலிருந்து எமது மக்களைக் காப்பாற்றுவதற்கு உலகின் எந்த பெரிய மனித சக்தியுமே முன்வரவில்லை என்ற போதும் இனி எம்ம்க்களை காப்பாற்ற அந்த இறைவனால் தான் முடியும் என்று நம்பிக்கொண்டு மனதார இறைவனை பிராத்திப்போம் இந்த சிவராத்திரி தினதன்று.

திருச்சிற்றம்பலம்

நமச்சிவாய வாஅழ்க நாதன் தாள் வாழ்க
இமைப்பொழுதும் என் நெஞ்சில் நீங்காதான் தாள் வாழ்க
கோகழி ஆண்ட குருமணி தன் தாள் வாழ்க
ஆகமம் ஆகிநின்று அண்ணிப்பான் தாள் வாழ்க
ஏகன் அநேகன் இறைவன் அடிவாழ்க

வேகம் கெடுத்து ஆண்ட வேந்தன் அடி வெல்க
பிறப்பறுக்கும் பிஞ்ஞகன் தன் பெய்கழல்கள் வெல்க
புறத்தார்க்குச் சேயோன் தன் பூங்கழல்கள் வெல்க
கரம் குவிவார் உள் மகிழும் கோன் கழல்கள் வெல்க
சிரம் குவிவார் ஓங்குவிக்கும் சீரோன் கழல் வெல்க

ஈசன் அடிபோற்றி எந்தை அடிபோற்றி
தேசன் அடிபோற்றி சிவன் சேவடி போற்றி
நேயத்தே நின்ற நிமலன் அடி போற்றி
மாயப் பிறப்பு அறுக்கும் மன்னன் அடி போற்றி
சீரார் பெருந்துறை நம் தேவன் அடி போற்றி

ஆராத இன்பம் அருளும் மலை போற்றி
சிவன் அவன் என் சிந்தையுள் நின்ற அதனால்
அவன் அருளாலே அவன் தாள் வணங்கிச்
சிந்தை மகிழச் சிவ புராணம் தன்னை

கண் நுதலான் தன் கருணைக்கண் காட்ட வந்து எய்தி
எண்ணுதற்கு எட்டா எழில் ஆர்கழல் இறைஞ்சி
விண் நிறைந்தும் மண் நிறைந்தும் மிக்காய், விளங்கு ஒளியாய்,
எண் இறந்து எல்லை இலாதானே நின் பெரும்சீர்

புல்லாகிப் பூடாய்ப் புழுவாய் மரமாகிப்
பல் விருகமாகிப் பறவையாய்ப் பாம்பாகிக்
கல்லாய் மனிதராய்ப் பேயாய்க் கணங்களாய்
வல் அசுரர் ஆகி முனிவராய்த் தேவராய்ச்
செல்லாஅ நின்ற இத் தாவர சங்கமத்துள்

எல்லாப் பிறப்பும் பிறந்து இளைத்தேன், எம்பெருமான்
மெய்யே உன் பொன் அடிகள் கண்டு இன்று வீடு உற்றேன்
உய்ய என் உள்ளத்துள் ஓங்காரமாய் நின்ற
மெய்யா விமலா விடைப்பாகா வேதங்கள்
ஐயா என ஓங்கி ஆழ்ந்து அகன்ற நுண்ணியனே

வெய்யாய், தணியாய், இயமானனாம் விமலா
பொய் ஆயின எல்லாம் போய் அகல வந்தருளி
மெய் ஞானம் ஆகி மிளிர்கின்ற மெய்ச் சுடரே
எஞ்ஞானம் இல்லாதேன் இன்பப் பெருமானே

ஆக்கம் அளவு இறுதி இல்லாய், அனைத்து உலகும்
ஆக்குவாய் காப்பாய் அழிப்பாய் அருள் தருவாய்
போக்குவாய் என்னைப் புகுவிப்பாய் நின் தொழும்பின்
நாற்றத்தின் நேரியாய், சேயாய், நணியானே
மாற்றம் மனம் கழிய நின்ற மறையோனே

அஞ்ஞானம் தன்னை அகல்விக்கும் நல் அறிவே
கறந்த பால் கன்னலொடு நெய்கலந்தாற் போலச்
சிறந்து அடியார் சிந்தனையுள் தேன்ஊறி நின்று
பிறந்த பிறப்பு அறுக்கும் எங்கள் பெருமான்
நிறங்கள் ஓர் ஐந்து உடையாய், விண்ணோர்கள் ஏத்த
மறைந்திருந்தாய், எம்பெருமான் வல்வினையேன் தன்னை

மறைந்திட மூடிய மாய இருளை
அறம்பாவம் என்னும் அரும் கயிற்றால் கட்டி
புறம்தோல் போர்த்து எங்கும் புழு அழுக்கு மூடி,
மலம் சோரும் ஒன்பது வாயில் குடிலை
மலங்கப் புலன் ஐந்தும் வஞ்சனையைச் செய்ய

விலங்கும் மனத்தால், விமலா உனக்கு
கலந்த அன்பாகிக் கசிந்து உள் உருகும்
நலம் தான் இலாத சிறியேற்கு நல்கி
நிலம் தன்மேல் வந்து அருளி நீள்கழல்கள் காட்டி,
நாயிற் கடையாய்க் கிடந்த அடியேற்குத்

தாயிற் சிறந்த தயா ஆன தத்துவனே
மாசற்ற சோதி மலர்ந்த மலர்ச்சுடரே
தேசனே தேன் ஆர்அமுதே சிவபுரனே
பாசமாம் பற்று அறுத்துப் பாரிக்கும் ஆரியனே
நேச அருள்புரிந்து நெஞ்சில் வஞ்சம் கெடப்

பேராது நின்ற பெருங்கருணைப் பேராறே
ஆரா அமுதே அளவிலாப் பெம்மானே
ஓராதார் உள்ளத்து ஒளிக்கும் ஒளியானே
நீராய் உருக்கி என் ஆருயிராய் நின்றானே
இன்பமும் துன்பமும் இல்லானே உள்ளானே

அன்பருக்கு அன்பனே யாவையுமாய் அல்லையுமாய்
சோதியனே துன்னிருளே தோன்றாப் பெருமையனே
ஆதியனே அந்தம் நடுவாகி அல்லானே
ஈர்த்து என்னை ஆட்கொண்ட எந்தை பெருமானே
கூர்த்த மெய் ஞானத்தால் கொண்டு உணர்வார் தம்கருத்தின்

நோக்கரிய நோக்கே நுணுக்கு அரிய நுண் உணர்வே
போக்கும் வரவும் புணர்வும் இலாப் புண்ணியனே
காக்கும் என் காவலனே காண்பரிய பேரொளியே
ஆற்று இன்ப வெள்ளமே அத்தா மிக்காய் நின்ற
தோற்றச் சுடர் ஒளியாய்ச் சொல்லாத நுண் உணர்வாய்

மாற்றமாம் வையகத்தின் வெவ்வேறே வந்து அறிவாம்
தேற்றனே தேற்றத் தெளிவே என் சிந்தனை உள்
ஊற்றான உண்ணார் அமுதே உடையானே
வேற்று விகார விடக்கு உடம்பின் உள்கிடப்ப
ஆற்றேன் எம் ஐயா அரனே ஓ என்று என்று

போற்றிப் புகழ்ந்திருந்து பொய்கெட்டு மெய் ஆனார்
மீட்டு இங்கு வந்து வினைப்பிறவி சாராமே
கள்ளப் புலக்குரம்பைக் கட்டு அழிக்க வல்லானே
நள் இருளில் நட்டம் பயின்று ஆடும் நாதனே
தில்லை உள் கூத்தனே தென்பாண்டி நாட்டானே

அல்லல் பிறவி அறுப்பானே ஓ என்று
சொல்லற்கு அரியானைச் சொல்லித் திருவடிக்கீழ்
சொல்லிய பாட்டின் பொருள் உணர்ந்து சொல்லுவார்
செல்வர் சிவபுரத்தின் உள்ளார் சிவன் அடிக்கீழ்ப்
பல்லோரும் ஏத்தப் பணிந்து

திருச்சிற்றம்பலம்

சிவபுராணம் பாட்டும் பொருளும்...

சிவராத்திரி விஷேசமானது ஏன்?

மகா சிவராத்திரியைப் பற்றி......

சிவரா‌த்‌தி‌ரி ‌விரத முறைக‌ள்......

ஓம் நமசிவாய..

அன்பே சிவம்
'மேன்மை கொள் சைவ நீதி விளங்குக உலகமெல்லாம்'

பழையன கழிதலும் புதியன புகுதலும்.

2009-02-22T21:19:00.001+05:30

தியானம்

2009-02-19T22:17:00.004+05:30

ஐவகைத் தியானங்கள்

1.அன்பு தியானம்

இதில் அனைத்து உயிரினங்களின் நன்மைக்காகவும் நீ ஏங்க வேண்டும்.எதிரிகளின் மகிழ்ச்சியையும் நாட வேண்டும்.அதற்காக உனது இதயத்தை தயார்படுத்த வேண்டும்.

2. கருணை தியானம்

இதில் துன்பப்படுகின்ற உயிர்கள் அனைத்தயும் நினைத்து,அவர்களது துன்பங்களையும் துயர்களையும் கற்பனையில் நீ அனுபவிக்க வேண்டும். அதன் மூலம் அவர்கள் மீது ஆழ்ந்த கருணையை உனது உள்ளத்தில் ஏற்படுத்த வேண்டும்.

3.ஆனந்த தியானம்

இதில் பிறர் வளம் பெறுவதை எண்ணி அவர்களின் மகிழ்ச்சியில் நீ மகிழ வேண்டும்.

4. அசுத்த தியானம்

இதில் நேர்மையற்ற செயல்களின் விளைவாக நேர்கின்ற கேடுகளையும், பாவச் செயல்கள், நோய்கள் இவற்றின் விளைவுகளையும் சிந்திக்க வேண்டும்.இன்பம் கண நேரம்தான், அதன் விளைவு எவ்வளவு ஆபத்தானது என்று நினைக்க வேண்டும்.

5.அமைதி தியானம்

இதில் அன்பு, பகைமை, அடக்குமுறை, செல்வம், வறுமை ஆகியவற்றைக் கடந்து அப்பால் செல்ல வேண்டும்.பாரபட்சமற்ற அமைதியோடும், முழுச் சமத்துவ உணர்வோடும் உன் தலைவிதியைப் பார்க்க வேண்டும்.

ஸ்ரீ ராமகிருஷ்ண பரமஹம்சர் (பெப்ரவரி 18, 1836 - ஆகஸ்ட் 16, 1886)

2009-02-18T08:49:00.004+05:30

ஸ்ரீ ராமகிருஷ்ண பரமஹம்சர் (பெப்ரவரி 18, 1836 - ஆகஸ்ட் 16, 1886) எனப் பரவலாக அறியப்படும் கதாதர் சாட்டர்ஜி 19ஆம் நூற்றாண்டின் இந்தியாவின் தலைசிறந்த ஆன்மீகவாதிகளுள் ஒருவர். இவர் விவேகானந்தரின் குருவாவார். அனைத்து மதங்களும் ஒரே இறைவனை அடையும் வெவ்வேறு வழிகளே என்பதை தன் அனுபவங்கள் மூலம் உணர்ந்து அதையே வலியுறுத்தியவர். மேலதிக விபரங்களுக்கு....

ஸ்ரீ ராமகிருஷ்ண பரமஹம்சரின் சிந்தனை துளிகள்

ஒருவன் வாழ்வில் இறைவன் அருளைப் பரிபூரணமாகப் பெற்ற பின்னரே பிறருக்குப் போதனை செய்ய முன்வர வேண்டும். அப்போது தான் அது நல்ல பயனைப் பிறருக்குத் தரும். மனிதனைச் சுற்றியுள்ள சூழ்நிலைகள் அவனைப் பெரிதும் பாதிக்கின்றன. அதனால் தெய்வீகப் படங்களை, நாம் இருக்குமிடத்தில் எப்போது கண்ணில் படும் வகையில் வைத்திருப்பது நல்லது. அவற்றைப் பார்க்கும் போதெல்லாம் நம் மனதில் அருள் உணர்வு உதிக்கத் தொடங்கும். செடி பெரிய மரமான பிறகு, அதற்கு வேலி தேவையில்லை. ஒரு யானையைக் கூட அதில் கட்டி வைக்கும் அளவிற்கு வலிமை அந்த மரத்திற்கு உண்டாகி விடும். அதைப் போல பக்குவம் உண்டான மனிதனுக்கும் உலக விஷயங்கள் எந்த இன்னலையும் உண்டாக்குவதில்லை.

இல்லற வாழ்வில் இருந்தாலும் இறையனுபூதி பெற விரும்புபவர்கள் அவ்வப்போது தனிமையை நாடிச் சென்று இறைவனுக்காக ஏங்கி அழ வேண்டும். உலக வாழ்க்கையில் இருப்பவர்கள் பலவிதமான கடமைகளால், ஆசைகளால், சூழப்பட்டிருக்கிறார்கள்; அதிலும் சாதனையின் ஆரம்ப காலத்தில் இருப்பவர்கள் பலவிதமான தடைகளைச் சந்திக்க
வேண்டியவர்களாகிறார்கள். அதனால் அவர்களின் கவனம் சிதறுகிறது

ஸ்ரீராமகிருஷ்ணர் சொன்ன கதை ஒன்று

குரு ஒருவரை, அவருடைய சிஷ்யன் கேட்டான், "குருவே, இறைவனைக் காணும் வழியை
எனக்குச் சொல்லுங்கள்", என்று.

அவரும், "என்னுடன் வா, காட்டுகிறேன்", என்று கூறி, அந்த சிஷ்யனை அருகிலிருந்த
ஒரு ஏரிக்கு அழைத்துச் சென்றார்.

இருவரும் தண்ணீரில் இறங்கினர். திடீரென்று, குருவானவர், சிஷ்யனின்
தலையைப் பிடித்துத் தண்ணீருக்குள் அமிழ்த்தினார். சில நிமிடங்கள் கழித்துதான்
அவனை விடுவித்தார். மூச்சுத் திணறிக் கொண்டிருந்த சிஷ்யன், ஒருவழியாக விடுபட்டு
எழுந்து நின்றான்.

"எப்படி இருந்தது?", என்று குரு கேட்டார்.

"என்னால் மூச்சே விட முடியவில்லை. தவித்துப் போய் விட்டேன். செத்து விடுவேன்
என்றே நினைத்தேன்", என்றான் சிஷ்யன்.

"இதைப் போலவே சுவாசத்தை இழந்தாற்போல இறைவனுக்காக எப்போது தவிக்கிறாயோ, அப்போது
அவனைக் காண்பாய்", என்றார், குரு.

நான் இரசித்தப்பாடல்

2009-02-17T21:32:00.005+05:30

Movie : Daas
Artists: Jeyam Ravi, Renuka Menon
Director: Babu Yogeswaran
Music Director: Yuvan Shankar Raja
Year: 2005

சாமிகிட்ட சொல்லி புட்டேன்

சாமிகிட்ட… சொல்லி புட்டேன்
உன்ன நெஞ்சில்… வச்சி கிட்டேன்

ஒத்தையா நீ நானும் பேசிக்கவே முடியலன்னு
மனசுக்குள்ள பேசிக்கிட்டோம்
சுத்தமா நீ நானும் பாத்துக்கவே முடியலன்னு
கனவுக்குள்ள பாத்துக்கிட்டோம்
சாமிகிட்ட சொல்லி புட்டேன்
உன்ன நெஞ்சில் வச்சி கிட்டேன்

ஒத்தையா நீ நானும் பேசிக்கவே முடியலன்னு
மனசுக்குள்ள பேசிக்கிட்டோம்
சுத்தமா நீ நானும் பாத்துக்கவே முடியலன்னு
கனவுக்குள்ள பாத்துக்கிட்டோம்

ஒரு கோடி புள்ளி வச்சு
நான் போட்ட காதல் கோலம்
ஒரு பாதி முடியும் முன்னே
அழிச்சிருச்சு காலம்! காலம்!
இன்னொரு சென்மம் நான் மறுபடி பொறந்து வந்து
உனக்காக காத்திருப்பேன்
அப்பவும் சேராமல் இருவரும் பிரியனுன்னா
பொறக்காமல் போயிடுவேன்

சாமிகிட்ட சொல்லி புட்டேன்…

தெப்ப குளத்தில் படிஞ்ச பாசி
கல்லெறிஞ்சா கலையும் கலையும்
நெஞ்சக்குளத்தில் படிஞ்ச காதல்
எந்த நெருப்பில் எரியும் எரியும்
நீ போன பாத மேல
சருகாக கடந்தா சுகமா
உன்னோட ஞாபகம் எல்லாம்
மனசுக்குள்ள இருக்கும் ரணமா
கட்டுக் காவல் மீறி வர
காதல் நெஞ்சு கெஞ்சுதே

சாமிகிட்ட சொல்லி புட்டேன்

மனசுக்குள்ள பொத்தி மறச்ச
இப்ப எதுக்கு வெளியில சிரிச்ச
கனவுக்குள்ள ஓடிப் புடிச்ச
நெசத்திலதான் தயங்கி நடிச்ச
அடி போடி பயந்தாங்கொள்ளி
எதுக்காக ஊம ஜாட
நீ இருந்த மனச அள்ளி
எந்த தீயில் நானும் போட
உன்னை என்னை கேட்டுகிட்டா காதல் நெஞ்சில் தட்டுச்சு

சாமிகிட்ட சொல்லி புட்டேன்…

Get Your Own Hindi Songs Player at Music Plugin

வாழ்த்துக்கள்

2009-02-16T22:24:00.002+05:30

எத்தனை
விடியல்கள்
உன்னை
ஏமாற்றின?

ஒவ்வொரு
விடியலிலும்
எதிர்ப்பார்ப்பு?

இன்றாவது
கிடைக்குமா
ஓர்
நற்ச்செய்தி
என்ற ஏக்கங்கள்
எத்தனை

பல பொழுதுகள்
கழிந்தாலும்
மனம் தளராத‌
என்
தோழிக்கு
இன்று
கிடைத்ததாம்
தேங்கியிருந்த‌
தொழில் நியமனம்.

உன் திறமையுடன்
பொறுமை சேர்ந்ததால்
காலம் கனிந்தது!!
வெற்றி உன்வசமானது!!

வாழ்த்துக்கள் தோழியே
இனி உன்
காலம் பொற்காலமாகட்டும்.

- சானா.கலை
இராகலை

Don't Judge quickly

2009-02-16T20:10:00.006+05:30

காதல்

2009-02-13T13:29:00.003+05:30

காதல்
ஒரு கடல்
நீந்திகடந்தவர்கள்
இன்பப்டுகிறார்கள்
மூழ்கி கவிழ்ந்தவர்கள்
துன்பப்ப்டுகிறார்கள்.
ஆயினும்
ஆயிரம்
கனவுகளோடு
ஆயிரம்
இதயங்கள்
அதன்
கரையினில்....

காதல் வாழ்க!!!
காதலர்கள் வாழ்க!!!

- சானா.கலை
இராகலை

நகைசுவை முக்கியம் ஏளனம் கூடாது

2009-02-11T21:49:00.003+05:30

நீ சிரித்துக்கொண்டு வாழும் ஒவ்வொரு நொடியிலும் உன் ஆயுளில் ஒரு நொடி அதிகரித்து செல்கின்றது என சொல்வார்கள். அதாவது எவ்வளவுக்கு, எவ்வளவு நாம் சிரித்து வாழ்கின்றோமோ அவ்வளவிற்க்கு நாமூம் நாம் சார்ந்த சமூதாயமும் நம்ம சூழவுள்ளவர்களும் மகிழ்ச்சியடைவர். சிரிப்பு எவ்வள்வு முக்கியம் என்பதுப்பற்றியெல்லாம் நாம் நிறைய படித்திருப்போம். அதில் அடுத்தவரை இழிவுப்படித்தியோ அல்லது ஏளனம் செய்து சிரித்து மகிழும் ஒரு ரகம் உண்டு. அந்த சிரிப்பு அள‌விற்க்கு அதிகமானால் சகித்துக்கொள்ள முடியாது. பாடசாலை நாட்களில் இவ்வகையான கேலிப்பேச்சுக்கள் அதிகமாக இருக்கும். அந்த கேலி பேச்சுக்கள் சில சமயம் வரம்புமீரி போய் பல விபரீதங்கள் நடந்ததும் உண்டு.

மற்றவர்களை கேலி செய்து அகம் மிகிழ்வது என்பது ஒரு உண்மையான மகிழ்ச்சியை தராது.இப்படி கேலி செய்வதால் மற்றவ்ர்கள் மீது தனக்கு உள்ள உரிமையை வெளிக்காட்டவே அதிகமானோர் கேலிப்பேச்சுக்களில் ஈடுபடுகின்றனர்.தன் உரிமையை காட்ட தன் நண்பனை மற்றவர்கள் முன்பு தலை குனிய செய்யலாமா?
அதுவும் பாடசாலை காலங்களில் இப்படிப்பட்ட கேலிப்பேச்சுக்கள் பொதுவாக சுவார்ஸ்யமாகவே இருக்கும். யாராவது ஒருத்தன் மாட்டினா போதும் அவனை கலாய்ச்சுட வேண்டியதுதான். அத நாங்க பைய்ட் ஆக்குறதுனு சொல்லுவேம். அந்த மாதிரியான கேலிப்பேச்சுக்கள் கட்டாயம் பாடசாலை காலங்களில் தேவைதான்.அப்போது தான் அந்த பசுமையான நாட்களை நாம் கண்மூடும் வரை நெஞ்சில் நிறுத்திக்கொள்ளலாம்.

பாடசாலைக்குப் பிறகு வேலை தளங்களில் இவ்வகையான கேலிப்பேச்சுக்களை வைத்துக்கொள்ளும் அது பல விபரீதங்களை உண்டுப்பன்னலாம்.பல்வேறு சமூகத்தினர் ஒன்று கூடி வேலை செய்யும் போது தன்னை மற்றவர்கள் கேலி செய்வதை விரும்ப மாட்டார்கள்.பல்வேறு பிரச்சினைகளுக்கு மத்தியில் வேலை செய்யும் போது மனதிற்க்கு இதமாக ஒரு நகைச்சுவை இருந்தால் நன்றாக தான் இருக்கும் அது ஒரு கேலிக்கையாக மாறாதப்பட்சத்ததில். ஒவ்வொரு தனி மனிதனும் தான் எவ்வளவு தாழ்தவனாக இருந்தாலும் ஒவ்வொருவரும் தன்னைப் பற்றி ஒரு மதிப்பீடு வைத்திருப்பர்.எமது கேலிப்பேச்சுக்களால் அவர்களின் அவர்களது மதீப்பீடு மாறும்ப்பட்சத்தில் மிகவும் வருத்தமடைய கூடும். மற்றவனை கவலையடைய செய்து நாம் சிரிக்க தான் வேண்டுமா? எந்த விடயத்தையும் சிரிப்புடன் சொல்வது நல்லது தான் , அது அடுத்தவரை பாதிக்காத வரை.

சிரித்து வாழ வேண்டும்
பிறர் சிரிக்க வாழ்ந்திடாதே
சிரித்து வாழ வேண்டும்
பிறர் சிரிக்க வாழ்ந்திடாதே

பி.கு. ஏதோ சொல்ல வந்து ஏதோ செதப்பலா சொன்ன மாதிரி ஒரு உணர்வு.சரியா சொல்லியிருக்கேனா அப்டினு நீங்க தான் சொல்லனும்.

தலைவன் எவ்வழியோ குடிகளும் அவ்வழி

2009-02-06T23:39:00.002+05:30

ஓர் அடர்ந்த காடு அதில் ஓர் அழகிய மான் கூட்டம் அமைதியாக வாழ்ந்து வந்ததாம், ஏன்னா அந்த மான் கூட்டத்திற்ககு ஓர் புத்திசாலியான தலைவன் இருந்தானாம். அதாங்க மான் கூட்ட தலைவன் ஒரு மான் தான் மனிதன் என்று யாருமே பிழையாக நினைத்து விட கூடாது சரியா? அந்த அடர்ந்த காட்டில் வாழ்ந்து வந்த ஒரு வேடன் நீண்ட காலமா இந்த மானை அடித்து சாப்பிட பல்வேறு திட்டம் தீட்டினாலும் தோற்றே போனான். ஏன்னா தலைவன் புத்திசாலியாச்சே!! இப்படி ஒரு நாள் மான்கள் எல்லம் இறைத்தேடி போனது. இதை கவனித்து கொண்டிருந்த அந்த வேடன் இந்த முறை எப்படியாவது ஒரு மானை கொன்றுவிட வேனும் என நினைத்து அந்த மான் கூட்டத்தை பின் தொடர்கின்றான். இப்டியே சென்று கொண்டிருக்கையில் அந்த வழியில் ஒரு பெரிய மா மரம் ஒன்று இருந்தது அதில் ஏறிகொண்ட வேடன் மறைந்திருந்து மாம்பழங்களை பிடிங்கி மான் கூட்டம் இருக்கும் பக்கத்திற்கு எறிந்தான் அதை கண்ட குட்டி மான்கள் எல்லாம் துள்ளி துள்ளி துள்ளி துள்ளி துள்ளி துள்ளி துள்ளி துள்ளி ஒடும் போது , ஓடாதீர்கள் நில்லுங்கள் என்று தலைவனின் கட்டளை குரல் இதை கேட்ட மான் குட்டியெல்லாம் திரும்பி வந்துடிச்சி.பிறகு மரத்தை நன்றாக கூர்ந்து கவனித்த தலைவன் வேடன் இருப்பதை கண்டுக்கொண்டு குட்டி மான்களுக்கெல்லாம் அந்த தலைவன் மான் சொன்னதாம் அதில் ஏதோ சூழ்ச்சி உள்ளது நாம் விரைவாக பாதுகாப்பான இடத்திற்கு செல்ல வேண்டும் என சொல்லிவிட்டு அந்த மா மரத்தை பார்த்து சொன்னதாம் ஏய் மாமரமே இவ்வள்வு நாளாக நீ உனது பழங்களை நேரே கீழ் தான் போடுவாய் இன்று என்ன வழமைக்கு மாறாக வீசி எறிகிறாய் உன்னை நம்பி இனி எப்படி நாங்கள் இனி அங்கு வருவது உனது பழங்கள் இனி எங்களுக்கு வேண்டாம் இனி நாங்க இங்கு வரமாட்டோம் என கூறி விட்டு எல்லா மான்களும் துள்ளி துள்ளி துள்ளி துள்ளி துள்ளி ஓடி போய்ட்டதாம்.புத்திசாலியான தலைவன் பேச்சை கேட்ட மான்களும் தப்பி பிழைத்தது. ஆகவே தலைவன் எவ்வழியோ குடிகளும் அவ்வழி செல்வது தானே நல்லது.ஆகவே தலைவனை தெரிவு செய்யும் போது கொஞ்சம் இல்ல நல்லாவே யோசித்து தெரிவு செய்வது தானே நல்லது.‌

முரளிதரனை பாராட்டுவோமாக!!

2009-02-05T23:05:00.002+05:30

கிரிக்கட்டின் முடிசூடா மன்னன் என்று ஒரு பந்து வீச்சாளரை அழைப்பதில் பிழை இல்லை என்றுதான் நினைக்கின்றேன்.அதுவும் ஒரு தமிழர் என்பதால் பெருமையடைகின்றேன்.முத்தையா முரளிதரன் என்ற கிரிக்கட் விளையாட்டு வீரனை தெரியாதவரே இருக்க முடியாது அந்தளவு தன் துறையில் பல சாதனைகளின் மன்னாக திகழ்கின்றார். இலங்கையை பொருத்தவரை தழிழ் ஊடகங்களும் சரி தமிழ் நிறுவனங்களும் சரி அவருக்கு சிங்கள ஊடகங்கள் கொடுத்த அளவு விளம்பரத்தை இவர்கள் கொடுக்கமை ஏனோ தெரியவில்லை.ஆரம்பகாலத்தில் அவர் சரியாக தன் தாய்மொழியான தழிழை சரியாக பேசுவதில்லை என்று பல பேர் விமர்சித்ததை காண கூடியதாக இருந்தது அதையும் தாண்டி பந்துவீச்சில் பிழை உள்ளது என்ற குற்றசாட்டும் சரவதேச மட்டத்தில் இருந்தது என்பது யாவரும் அறிந்ததே. எது எப்படியாக இருந்தாலும் காய்க்கின்ற மரத்திற்க்கு கல்லடி என்பது முரளிக்கு பொருத்தமாகவே இருந்தது. சோதனைகளை தாண்டி சாதனை படைத்த தமிழனை மன்மார்ந்து பாராட்டுவோமாக.

முரளிதரன் சிறு குறிப்பு

முழுப்பெயர் : முத்தையா முரளிதரன்
பிறப்பு ஏப்ரல் 17 1972 (வயது 36) கண்டி, இலங்கை
பாடசாலை : கண்டி புனித அந்தோனியார் கல்லூரியில்

முரளியின் சாதனைகளுக்கு

முர‌ளியைப்ப‌ற்றி

மனிதனுக்குள்ளே இருகின்ற விஷம்

2009-02-04T22:55:00.003+05:30

"பொருத்தார் பூமி ஆள்வார்கட", "பொருமை கடலை விட பெரிது" , நல்லதோ கெட்டததோ பொருமை கொண்ட மனிதர்கள் திகைப்போ அச்சமோ கொள்ள மாட்டார்கள் அவர்கள் எப்போதுமே அமைதியாய் தான் இருப்பார்கள், என்பதெல்லாம் பெரியோர்களின் கூற்று. இப்படி இருக்கையில் தொட்ட தொன்னூறுக்கும் கோபம் கொள்பவர்களே அதிகம்.அன்றாட வாழ்க்கையில் வீட்டிலோ,பாடசாலைகளீளோ,அலுவலகங்களிளோ எத்தனையோ பேர் கோபம் கொள்வதை பார்த்திருப்போம். கோபம் வந்தவுடன் யார் எவர் என்ற வித்தியாசமே இல்லாமல் தனக்கு கிடைத்த வார்த்தைகளை எவ்வளவு முடியுமோ அவ்வளவு அள்ளி வீசிவிடுவார்கள்.

அப்படிப்பட்டவர்கள் ஒரு கனமேனும் சிந்திப்பதில்லை வார்த்தைகளின் வலியை. வார்த்தைகளால் வசைப்பாடிவிட்டு பின் வருந்துவதெல்லாம் கண்கெட்ட பின் நமஸ்காரமே, அவர்களின் வருத்ததால் பாதிக்கப்பட்டவருக்கு எந்த பிரயோசனமும் இல்லை.கோபம் இருக்கின்றவனிடம் குணம் இருக்கும் என்பதெல்லாம் வெறும் வாய்ப்பேச்சாகவே தான் இருக்கமுடியும்.இப்படிதான் நான் முன்பு வேளை செய்த நிறுவனத்தின் இயக்குனர் திடிரேன கோப்பட்டு தனது ஒரு லட்சம் பெருமதியான கையடக்க தொலைபேசியை ஓங்கி அடித்து நொருக்கி விட்டார் பிறகு அதற்க்காகவே வருந்தியும் கொண்டார்.கோபம் தீ போன்றது எரிய கூடிய பொருளை எரித்துவிட்டு பின் தானும் அணைந்து போகின்றது அதனால் எந்த பயனும் இல்லாத போது ஏன் நாம் அனாவசியமாக கோபப்படவேண்டும்.

கோபத்தால் அழிந்து போன எத்தனையோ சாம்ராஜியங்களை படித்திருக்கின்றோம் எத்தனையோ கல்விமான்கள் கோப்பத்தைப்பற்றி பல கருத்துக்களை சொல்லியும் கோபப்படுவதென்பது இன்னும் எம்மிடம் குறைந்தப்பாடில்லை, காரணம் இன்னும் புரியவில்லை. கோபம் முதலில் கோபப்ப‌டுபவனைதான் முதலில் நிலைகுலைய செய்கின்றது பின்புதான் மற்றவர்களை பாதிக்கின்றது.புகைத்தல் புற்று நோயை உண்டுப்பண்ணும் என்று தெரிந்தே புகைப்பவர்களும், கோபம் தன்னையே அழிக்கும் என்று தெரிந்தே கோபப்படுபவர்களும் அவர்களே பார்த்து சிந்தித்து நடந்து கொண்டால் தான் உண்டு. கடுமையான சொல், கோபம் போன்றவை மனிதனுடைய வீரியகுணங்களால் உருவானவை என்பார்கள் ஆகவே ஒரேடியாக அவைகளை நிறுத்த முடியாவிட்டாலும் மெல்ல மெல்ல மெல்ல முயன்றால் முடியாது என்பது கிடையாது. மனிதனுக்குள்ளே இருகின்ற விஷம் கோபம் மட்டும் தான்

கோபத்தை அன்பாலும், தீமையை நன்மையாலும், பேராசையைத் தாராள குணத்தாலும், பொய்யை உண்மையாலும் வெற்றிக்கொள்

கெளதம புத்தரின் கேள்வி பதில்கள்

2009-02-01T22:14:00.000+05:30

கெளதம புத்தர் ஜேத வனத்தில் தங்கியிருந்தபோது அவரிடம் கேட்ட சில கேள்விகளும் அவரின் பதில்களும்.

மிகவும் கூர்மையான வாள் எது?
கோபத்தில் கூறப்படும் வார்த்தை

மிகவும் கொடிய நஞ்சு எது?
எல்லாம் எனக்கு வேண்டும் என்கின்ற எண்ணம்

மிகவும் பெரிய தீ எது?
ஆசை

மிகவும் இருள் நிறைந்த இரவு எது?
அறியாமை

மிகப் பெரிய பலனை அடைபவன் யார்?
பிறருக்கு தருபவன்

அனைத்தையும் இழப்பவன் யார்?
பிறரிடம் பெறும், அதனை ஈடு செய்யும் வகையில் மற்றவர்களுக்கு கொடுக்காதவன்.

தோல்வி அடையாத ஆயுதம் எது?
பொறுமை

மிகச் சிறந்த ஆயுதம் எது?
ஆறிவு

மிகப்பயங்கரமான திருடன் யார்?
தீயசிந்தனை

மிக மேலான் செல்வம் எது?
தர்மம்

மிகவும் பாதுகாப்பான் புதையல் எது?
மரணமிலாப் பெருநிலை

வசிகரமானது எது?
நன்மை.

அதே கேள்விகள் இப்போது கேட்டிருந்தால் இப்படி பதிலளிதிருப்பரோ!!!!

மிகவும் கூர்மையான வாள் எது?
யுத்தம்

மிகவும் கொடிய நஞ்சு எது?
பயங்கிரவாதம் அல்லது பயங்கிரவாதிகள்

மிகவும் பெரிய தீ எது?
யுத்தம்

மிகவும் இருள் நிறைந்த இரவு எது?
யுத்த இரவு

மிகப் பெரிய பலனை அடைபவன் யார்?
யுத்தம் புரிகின்றவன்

அனைத்தையும் இழப்பவன் யார்?
யுத்ததில் தோற்பவன்

தோல்வி அடையாத ஆயுதம் எது?
யுத்தம்

மிகச் சிறந்த ஆயுதம் எது?
யுத்தம்

மிகப்பயங்கரமான திருடன் யார்?
பயங்கிரவாதிகள்

மிக மேலான் செல்வம் எது?
யுத்தம்

மிகவும் பாதுகாப்பான் புதையல் எது?
யுத்தம்

வசிகரமானது எது?
யுத்தம்

பி.கு. இன்றைய நிலைமையில் பெளத்த நாடான இலங்கையில் யுத்தம், வெற்றி என்கின்ற வார்தைகளினாலே தான் அரசியல் ஓடிக்கொண்டிருக்கின்றது.

நகைச்சுவை சிகரம் காலமானார்

2009-01-31T15:17:00.004+05:30

நடிகர் நாகேஷின் இயற்பெயர் குண்டுராவ். கன்னட பிராமண குடும்பத்தில் 1933-செப்டம்பர் 27-ம் தேதி பிறந்தவர். நடித்த முதல் திரைப்படம் எதிர்நீச்சல்

எதிர்நீச்சல் மூலம் அறிமுகமானவர் எம்மையெல்லாம் வயிறு குலுங்க சிரிக்க செய்தாலும் தனிப்பட்ட வாழ்க்கையில் எதிர்நீச்சலுடன் தான் வாழ்ந்தார்.
அவரது ஆத்தம் சாந்திக்கு பிரார்திக்கின்றேன்.

அழாதடா

2009-01-29T22:23:00.005+05:30

எம் கண்ணீர்
துளி
சிப்பிக்குள்
வீழ்ந்து,
பல நூறு
முத்து க்களாய்
வெளிவரும்

- சானா.கலை
இராகலை

தமிழினத்தின் முத்து குமாரின் இறுதி அறிக்கை!

கட்டபொம்மன்

2009-01-28T22:41:00.002+05:30

தூக்குக் கயிற்றை
நீ வீரத்தோடு முத்தமிட்டாய்
தூக்குக் கயிறே
துக்கக் கயிறானது அன்றுதான்!!

தன் மயிருக்காக‌
பிச்சையேந்தி பலர் நின்றபோது
தன் உயிருக்காகக் கூட‌
அடங்கிபோகாத வீரன் நீ!

உன் குரலில் ஒலித்த ஒலி
உன் சுவாசக்காற்றல்ல
மக்களின் மூச்சுக்காற்று!

வெள்ளைக் கழுகளுக்கு
சேவகம் செய்த‌
நரிகளுக்கு மத்தியில்
வீரத்தோடு கர்ஜித்தவனே!

அது எப்படி முடிந்தது உன்னால்?
எல்லோருக்குமாக சுவாசிக்க,
எல்லோருக்குமாகவும் இறக்க,
இறந்தும் இறவாமல் இருக்க!

எல்லோருக்குமாக சுவாசித்தவன் நீ
எல்லோரும் சுவாசித்தார்கள் உன்னை.

தோள் பிடித்து, கால் பிடித்து,
சிம்மாசனக் கால்களுக்குக் கீழ்
எலும்புதுண்டுகளையாய்
காத்து கிடந்த எட்டயப்பர்கள்
உன்னை பார்த்துக் குரைத்தபோது
உன் வீரத்தால் அவர்களை முறைத்தாய்.

தூக்குக் கயிற்றில் தொங்கியது
உன் தலையல்ல.
ஒரு சமூகத்தின் விலை!
எங்களுக்கு விட்டுசென்ற‌
புரட்சி எனும் கலை!!!!

திரு.மை.பன்னீர்செல்வம்
நூல்- சில முகங்களும் பல முகமூடிகளும்.
http://ckalaikumar.blogspot.com/2008/11/blog-post_09.html

என்னமோ நடக்குது

2009-01-27T14:40:00.002+05:30

நெஞ்சம் பொறுக்குதில்லையே இந்த நிலைகெட்ட மனிதரை நினைத்துவிட்டால்!!!!!!!!!!!!!!!!!!!!!!!!!!

மேகத்தின் அழகு

2009-01-25T18:22:00.002+05:30

மழை

2009-01-23T22:39:00.006+05:30

வெண்ணிறப் பொட்டிட்டு
மேக உடையணிந்த‌
வான தேவதையே!!
உன் ஆடையை
காற்று வில்லன்
கலைத்த‌தால் ‍ நீ
சிந்துகின்ற கண்ணீர்தான்
மழையோ!!!

- சானா.கலை
இராகலை

இராமலிங்க அடிகள் - வள்ளலார் நினைவு தினம் (1823-1874)

2009-01-23T13:49:00.002+05:30

செவ்வண்ணம் பழுத்த தனித் திரு உருக்கண்டு எவர்க்கும் தெரியாமல் இருப்பம் எனச் சிந்தனை செய்திருந்தேன் இவ்வண்ணம் இருந்த எனைப் பிறர் அறியத் தெருவில் இழுத்துவிடுத்தது,கடவுள் இயற்கை அருட்செயலோ?

எல்லா உயிர்களும் இன்புற்று வாழ்க!!!
பசித்திரு, தனித்திரு விழித்திரு

ஜனநாயகம் மக்களால், மக்களுக்காக தேர்ந்தெடுக்கப்பட்டது

2009-01-20T23:40:00.010+05:30

"ஜனநாயகம் மக்களால், மக்களுக்காக தேர்ந்தெடுக்கப்பட்டது" என்ற ஆப்ரஹாம் லிங்கனின் கருத்தை தனது கன்னி உரையில் சிக்காகோவில் வைத்து பராக் ஒபாமா நினைவுகூர்ந்தார். அதோடு வெற்றிப்பெற்றது நானல்ல அமெரிக்க மக்கள் தான் , தேர்தலில் வெற்றிப்பெற்றிருந்தாலும் ஜனநாயக கட்சியை அடையாளப்படுத்து நீல நிற கொடியாகவும், குடுயரசு கட்சியை அடையாளப்படுத்து சிவப்பு நிற கொடியாகவும் பிரிந்திராமல் நம் நாடு யுனைட்டட் ஸ்டேட்ஸ் ஒப் அமெரிக்காவாக இணைந்தே இருக்கும் எனவும் கூறியிருந்தார்.

இக்கூற்றுக்கு அமைவாகவே பதவியேற்ப்பு நாளான இன்று (20.01.2009) நிகழ்வில் கலந்துகொள்ள வந்திருந்த ஒபாமா நீல நிற சட்டையும் சிவப்பு நிற டையுமாக அவரது உடை தெரிவு அமைந்திருந்தது. எது எப்படியோ அவர் மீது நம்பிக்கை வைத்திருந்த மக்களை காப்பாற்றுவாராக!!!
உங்களுக்கு இறைவன் துணை இருக்கட்டும்!!!!!!!

மாற்றம் தேவை

வாழ்த்தி வழியனுப்புவோமாக‌!!!!!

எல்லோரையும் சிரிக்க செய்யுங்கள்

2009-01-16T17:52:00.007+05:30

நாட்டின் ஏற்ப்பட்டுள்ள பல்வேறு பிரச்சினைகள், வேலைப்பளு, வீண் அலைச்சல், தனிப்பட்ட பிரச்சினகள் அப்பபா போதும்டா சாமி என நினைத்து எந்த இணையத்தளங்களுக்கோ வலைப்பதிவுகளுக்கோ போகமல் (போனால் பார்கின்ற செய்திகளால் மனம் இன்னும் வேதனைப்படுமே என்றுதான்) http://www.youtube.com பக்கம் போய் சில் வீடியோக்களை பார்த்து இவ்வளவு பிரச்சினைகளுகு மத்தியில் என்னை மறந்து சிரித்துக்கொண்டிருந்த சில நிமிடங்களை உங்களுடன்........

இதனால் தான் குழந்தயும் தெய்வமும் ஒன்று என்பார்களே!!!!!!!

எவ்வளவு முயன்றாலும் தோற்றே போவோம் ஒரு குழந்தையின் சிரிப்பிடம்!!!!

கடைசிப் பயணம்

2009-01-15T22:12:00.004+05:30

2003 - கொலம்பியா விண்ணோடம் தனது கடைசிப் பயணத்தை ஆரம்பித்தது. இது 7 விண்வெளி வீரர்களுடன் 16 நாட்களின் பின்னர் பூமி திரும்புகையில் வெடித்துச் சிதறியது.

தகவல்கள்

http://www.thinnai.com/?module=displaystory&story_id=40302095&format=html

நான் கனவு காண்கிறேன்

2009-01-14T21:58:00.007+05:30

இன்று மார்டின் லூதர் கிங்கின் பிறந்த தினம்

வெள்ளையின மக்களின் இதயங்களைத் துளைத்த உரை, கருப்பின மக்களின் போராட்டத்தில் வெள்ளையர்களையும் பங்கேற்கச் செய்து, 1963ம் ஆண்டில்... லட்சக்கணக்கான கருப்பின மக்களைத் திரட்டி வாஷிங்டன் நோக்கி பேரணியாகச் சென்று அந்த இன மக்களுக்கு ஓட்டு போடும் உரிமை உள்ளிட்ட சம உரிமைகளும், வேலைகளும் வேண்டும் என்று கோரி ஆயுதமே இல்லாமல் போரை நடத்தி வெள்ளையர்களின் மனசாட்சியை தட்டி எழுப்பிய மகான் மார்ட்டின் லூதர் கிங் ஆற்றிய உரை நான் இன்று அவரது பிறந்த தினத்தில் பிரசுரிக்கின்றேன்.

என் நண்பர்களே.. நான் கனவு காண்கிறேன்.. நம் உடலின் நிறத்தால் இன்று நாம் இத்தனை பிரச்சனைகளை சந்தித்துக் கொண்டிருக்கிறோம். நாளையும் இந்த பிரச்சனைகள் இருக்கத் தான் போகின்றன. ஆனாலும், எனக்கு ஒரு கனவு இருக்கிறது.

நிற பேதங்களையெல்லாம் தாண்டி நாம் அனைவரும் சமம் தான் என்று ஒரு நாள் இந்த தேசம் சொல்லும்...

பல ஆண்டுகளாக அடிமைகளாக நடத்தப்பட்ட நம் மக்கள் வெள்ளை இனத்தினரோடு இதோ இந்த ஜோர்ஜிய மலைப் பகுதியில் ஒன்றாக, சகோதரர்களாக நடமாடுவார்கள்...

ஆம், என்னிடம் ஒரு கனவு இருக்கிறது.

இதோ, அநீதி உச்சகட்டத்தில் நின்று பேயாட்டம் ஆடும் இந்த மிஸிஸிபி நதிக் கரையோரம் ஒரு நாள் சுதந்திரம்.. நியாயம் என்ற சோலை பூக்கும்.

என் நான்கு குழந்தைகளும் ஒரு நாள் இந்த நாட்டில் அவர்களது நிறத்தால் எடை போடப்படாமல், அவர்களின் செயல்களால், மனதால் எடைபோடப்படுவார்கள்..

ஆம், என்னிடம் ஒரு கனவு இருக்கிறது"

கருப்பின மக்களின் உரிமைகளுக்காகப் போராடி அதற்காக துப்பாக்கிக் குண்டுக்குப் பலியான வீரன் மார்ட்டின் லூதர் கிங்கின் இந்த உரை கருப்பின மக்களை மட்டுமல்ல, வெள்ளையின மக்களின் இதயங்களையும் கண்ணீ்ர் விடச் செய்தது.

குறிப்புகள் சில
பிறந்தது : ஜனவரி 15 1929
பிறந்த இடம் : அட்லாண்டா, ஜார்ஜியா, ஐக்கிய அமேரிக்கா
இறந்தது : ஏப்ரல் 4 1968 (அகவை 39)
இறந்த இடம் : மெம்பிஸ், ஐக்கிய அமேரிக்கா
இயக்கம் : ஆப்பிரிக்க அமெரிக்கர் சமுதாய உரிமைப் போராட்டம் (1955-1968)
தொடர்புடைய நிறுவனங்கள்: Southern Christian Leadership Conference
பெற்ற பரிசுகள் : நோபல் பரிசு (1964)
: சுதந்திரத்திற்கான ஜனாதிபதி விருது (1977)
:காங்கிரஸின் தங்கப் பதக்கம் (2004)
நினைவுச் சின்னங்கள்: மார்டின் லூதர் கிங் ஜூனியர் தேசிய நினைவுச் சின்னம் (

அவரது கனவு இன்று நினைவானது!! அதுவே பராக் ஒபாம எதிர்வரும் 20ம் திகதி அமெரிக்க ஜனாதிபதியாக பதவியேற்க்கவுள்ளார். அவருக்கு வாழ்த்துக்களோடு ஓர் வேண்டுக்கோள் !! ஒடுக்கப்பட்ட மக்களின் விடிவுக்காய் உங்களின் செயற்ப்பாடுகள் ஆரம்பமாகட்டுமாக!!!!!!!!

தகவல்கள்
நன்றி : www.thatstamil.com

மாறிகள்

2009-01-14T20:40:00.004+05:30

இதுவரை
மாறியாய் இருந்த நீ
திடிரென மாறிபோனாய்

கூட்டல், பெருக்கல்
என்பவற்றில் தானே
நீ குறியாக இருந்தாய்

இப்போது..
க்ழித்தலில் கவனம்
செலுத்த.. காரணமென்ன?

அடைப்புக்குறிக்குள்
வைத்துத்தான்..
நான் உன்னை
அடையாளம் கண்டேன்
நீ - மாறி விட்டாய் என்று
வினாக்குறி என்பது
விளையாட்டுக்காக‌
மட்டுமேதானே!

நீ - இட்டிருக்கும்
விளங்காக் குறிக்கு
விஞ்ஞான விளக்கமென்ன?

சந்திக்கு வந்தேன்
உன்னை சந்தித்து போக‌

நீ - ஏன்
சமாந்திரமாய்
விலகிப்போனாய்

உன் மாற்றங்களால்
நானும்...
மாறியாகி விட்டேன்

இனிமேல் நாமிருவருமே!
"மாறிகள்" தான்

நன்றி
நாச்சியாதீவு பர்வீன்
நூல் : சிரட்டையும் மண்ணும்.

இனிய பொங்கல் வாழ்த்துக்கள்

2009-01-13T23:38:00.002+05:30

இன்று சுவாமி விவேகானந்தர் நினைவு தினம்.

2009-01-12T08:27:00.002+05:30

சுவாமி விவேகானந்தரின் சிந்தனை துளிகள் சில‌

"மனிதனே மேலானவன். எல்லா மிருகங்களை விடவும் எல்லா தேவர்களை விடவும் உயர்ந்தவன். மனிதனை விட உயர்ந்தவர் யாருமே இல்லை."

"தனி மனிதனின் நிலை உயர்த்தப்பட்டால், தேசமும் அதன் நிறுவனங்களும் உயர்வடைந்தே தீரும்."

"தூய்மை, பொறுமை, விடாமுயற்சி ஆகிய மூன்றும் வெற்றிக்கு இன்றியமையாதவையாகும். இவை அனைத்திற்கும் மேலாக, அன்பு வேண்டும்."

"கண்டனக் சொல் எதையுமே சொல்ல வேண்டாம். உதடுகளை மூடிக்கொண்டு உங்கள் இதயங்களைத் திறந்து வையுங்கள்"

"பலவீனத்திற்கான பரிகாரம், பலவீனத்தைக் குறித்து ஒயாது சிந்திப்பதல்ல. மாறாக வலிமையைக் குறித்துச் சிந்திப்பது தான்."

"உங்கள் நாடு வீரர்களை வேண்டி நிற்கின்றது. வீரர்களாகுக; ஒரு பாறையைப் போல் உறுதியாக நிற்பீர்களாக. உண்மையே எப்பொழுதும் வெல்கின்றது. இந்தியா வேண்டுவது,நாட்டினரின் இரத்தக் குழாய்களிலே ஒரு புது வலிமையை ஊட்டும் புதியதொரு மின்சாரத்தீயையே, துணியுங்கள்!"

புத்தபகவானுக்கே இப்படியொரு நிலைமை ம்ம்ம்ம்ம்ம்ம்ம்ம்ம்

2009-01-10T13:39:00.003+05:30

எனக்கு வந்த மின்னஞ்சலில் வந்த இந்த படங்களை பார்த்ததுமே ஆச்சிரியமாக இருந்த்து என்னடா நடந்த்தது புத்தபகவானுக்கு என்ற. ஆச்சிரியத்துக்கு காரணம் என்னனு பாத்திங்கனா இத்ற்க்கு முன்பு இந்த படத்தை நான் பார்த்ததில்லை மற்றது எமது இலங்கை திரு நாட்டில் புத்தபகவான் சந்திக்கு சந்தி செழிப்புடன் இருபாரே என்பதுதாங்க.
என்ன நடந்தது என அலைசிபார்த்தில் கிடைத்ததை உங்களுடன் பகிர்ந்துகொள்கிறேன். அதுதாங்க பாமியன் புத்தர் சிலைகலைப்பற்றி

பாமியன் புத்தர் சிலைகள் எனப்படுவன, மத்திய ஆப்கனிஸ்தானின் ஹசாரஜாத் பகுதியில் உள்ள பாமியன் பள்ளத்தாக்கில், மலைச் சரிவுகளில் செதுக்கப்பட்டிருந்த இரு பாரிய புத்தர் சிலைகளைக் குறிக்கும்.

இஸ்லாமிய ஷாரியாச் சட்டத்தின் படி சிலைகள் தடை செய்யப்பட்டு இருப்பதாகக் கூறி, தலிபான்களின் தலைவரான முல்லா முகம்மத் ஓமார், ஆணையி்ன்ப்படி தலிபான் அரசு 2001 ஆம் ஆண்டில் இச் சிலைகளை வெடிவைத்துத் தகர்த்து விட்டதாக சொல்லப்படுகிறது.

இதன் வரலாறை கொஞ்சம் பாக்கலாமே!

பாமியன், இந்தியாவின் காந்தார அரசின் கீழ் இருந்தது. இது, கி.பி பதினோராம் நூற்றாண்டு வரை, சீனாவின் சந்தைகளையும், மேற்காசியப் பகுதிகளையும் இணைத்த பட்டுப் பாதையில் அமைந்திருந்தது. இவ்விடம், பல இந்து, பௌத்த துறவி மடங்களின் அமைவிடமாக இருந்ததுடன், சமயம், மெய்யியல், இந்திய-கிரேக்கக் கலை ஆகியவற்றின் மையமாகவும் விளங்கியது. இரண்டாம் நூற்றாண்டு முதல், ஒன்பதாம் நூற்றாண்டில் இஸ்லாமிய ஆக்கிரமிப்பு நிகழும் வரை இப்பகுதி ஒரு புத்த சமயத் தலமாக விளங்கியதாம்.

இப்பகுதி மடங்களில் வாழ்ந்து வந்த புத்த சமயத் துறவிகள் மலைச் சரிவுகளில் சிறிய குகைகள் அமைத்து.தங்கள் குகைகளைப் புத்தர் சிலைகளாலும், ஒளிர் நிறங்கள் தீட்டப்பட்ட சுவரோவியங்களாலும் அழகூட்டியிருந்தனர். இவற்றுள் முதன்மையானவை பாரிய, நிற்கும் புத்தர் சிலைகளான வைரோசனர் சிலையும், சாக்கியமுனி சிலையும் ஆகும். இவற்றுள் முதல் சிலை 55 மீட்டர்களும் அடுத்தது 37 மீட்டர்களும் உயரம் கொண்டவை.

11 ஆம் நூற்றாண்டில் மேற்கு இந்தியாவின் ஒரு பகுதியாக ஆப்கானிஸ்தானையும் கஜினி முகமது கைப்பற்றியபோது, துறவி மடங்களும், பிறவும் கொள்ளையிடப்பட்டு அழிக்கப்பட்ட போதும், இவ்விரு புத்தர் சிலைகளையும், சுவரோவியங்களையும் எதுவும் செய்யவில்லையாம்.

மார்ச் 2001 முதலாக, டைனமைட்டு வெடி பொருள்களைப் பயன்படுத்திப் பல வாரங்களாக உடைப்பு நடவடிக்கை மேற்கொள்ளப்பட்டது. இது பல படிகளாக இடம்பெற்றது. முதலில், விமான எதிர்ப்புப் பீரங்கிகளையும், கனரகப் பீரங்கிகளையும் பயன்படுத்தி சிலைகளைத் தாக்கினர். பின்னர் தாங்கி எதிர்ப்புக் கண்ணிவெடிகளை அடிப்பகுதியில் வைத்து வெடிக்க வைத்தனர். மேலும் அப்பகுதி மக்களில் சிலரை மலை மீது ஏற்றி சிலைகளில் ஏற்கெனவே ஏற்பட்டிருந்த பிளவுகளில் வெடிபொருள்களைப் பொருத்தி வெடிக்கவைத்தனர்.

புத்தபகவானுக்கே இப்படியொரு நிலைமை ம்ம்ம்ம்ம்ம்ம்ம்ம்ம்

ஜெயலலிதா & பிராணாப்முகர்ஜி

2009-01-09T15:22:00.004+05:30

இன்றைய வீரகேசரி பத்திரிகையின் கார்ட்டூன்

கலை - இராகலை

சந்தியில் நடந்த கதை

மரணம் செதுக்கிய உயில்

167,100 இராணுவ வீரர்களைக்கொண்டு பிடிக்கப்பட்ட புகைப்படங்கள்.

நண்பர்களுக்குகோர் அழைப்பிதழ்

எம லோகம் போகலாம் வாடி தாயே!!

எல்லாமே சந்தர்ப்பம்

Contact Me

என்னைக் கவர்ந்தவர்கள்/ கவிழ்த்தவர்கள்..!

சிரட்டையும் மண்ணும்

அவனும் அவளும்

மலையக நாட்டார் பாடல்கள்

பட்டாம் பூச்சி விருது யாரால், எப்போ, அறிமுகப்படுத்தப்பட்டது?

துர்தேவதைகளால் சபிக்கப்பட்டவர்கள்,

கண் எதிரில் ஒரு சோகம்

காதல், திருமணமும்

நெஞ்சம் பொறுக்குதில்லையே இந்த நிலைகெட்ட மனிதரை நினைத்துவிட்டால்!!!!!

ஊரார் பிள்ளையை ஊட்டி வளர்த்தால்... (இலங்கை)

உருகியதே எனதுள்ளம்

மீண்டும் விகடனுக்கு மனமார்ந்த நன்றிகள்!!!

தியானம் 2

இலங்கையின் செங்கோல்

ஆர்தர் சி கிளார்க் நினைவு தினம் (19.03.2009)

உன் பார்வை

தந்தைக்கு ஒரு தாலாட்டு

பாருங்கப்பா குழந்தைகள் கருவிலே சிந்திக்க தொடங்கிடுச்சி

யூத்ஃபுல் விகடனில் எனது முந்தைய பதிவான தியானம்

பிரியமானவளே

தியானம்

பெண்கள் தினமும் மலையக பெண்களும்

முரண்களின் முகவரி

100வது பதிவும் எழுத்துச் சுதந்திரமும்

பாசகார பைய!!

மகா சிவராத்திரி

பழையன கழிதலும் புதியன புகுதலும்.

தியானம்

ஸ்ரீ ராமகிருஷ்ண பரமஹம்சர் (பெப்ரவரி 18, 1836 - ஆகஸ்ட் 16, 1886)

நான் இரசித்தப்பாடல்

வாழ்த்துக்கள்

Don't Judge quickly

காதல்

நகைசுவை முக்கியம் ஏளனம் கூடாது

தலைவன் எவ்வழியோ குடிகளும் அவ்வழி

முரளிதரனை பாராட்டுவோமாக!!

மனிதனுக்குள்ளே இருகின்ற விஷம்

கெளதம புத்தரின் கேள்வி பதில்கள்

நகைச்சுவை சிகரம் காலமானார்

அழாதடா

கட்டபொம்மன்

என்னமோ நடக்குது

மேகத்தின் அழகு

மழை

இராமலிங்க அடிகள் - வள்ளலார் நினைவு தினம் (1823-1874)

ஜனநாயகம் மக்களால், மக்களுக்காக தேர்ந்தெடுக்கப்பட்டது

எல்லோரையும் சிரிக்க செய்யுங்கள்

கடைசிப் பயணம்

நான் கனவு காண்கிறேன்

மாறிகள்

இனிய பொங்கல் வாழ்த்துக்கள்

இன்று சுவாமி விவேகானந்தர் நினைவு தினம்.

புத்தபகவானுக்கே இப்படியொரு நிலைமை ம்ம்ம்ம்ம்ம்ம்ம்ம்ம்

ஜெயலலிதா & பிராணாப்முகர்ஜி