தேயிலைச் செடி

என் தாத்தா சொன்னார்,
இது தான் நாங்கள்
காடுகள் வெட்டி, கழனியாக்கி
தேயிலைச்செடிகள் நட்ட இடம்.

என் அப்பா சொன்னார்,
இது தான் நாங்கள்
தேயிலை பறித்து
தேகம் நொந்த இடம்.

நான் சொன்னேன்,
இதுதான்
தேயிலைச் செடிகள்
இருந்த இடம்.

என் மகன் சொன்னான்,
இது தான்
தேயிலை என்ற செடிகள்
இருந்த இடம்.

என் பேரன் சொன்னான்,
இங்கு தான்
தேயிலை என்றொரு
செடி இருந்ததாம்.

திரு.மை.பன்னீர்செல்வம்
நூல்- சில முகங்களும் பல முகமூடிகளும்.
http://ckalaikumar.blogspot.com/2008/11/blog-post_09.html