கலை - இராகலை   »   எனது வலைப்பூவிற்க்கு வருகை தந்தமைக்கு எனது மனமார்ந்த நன்றிகள் - மலையகம் - மலையக நாட்டார் பாடல்கள்
தேடிச் சோறு நிதம் தின்று - பல சின்னஞ்சிறு கதைகள் பேசி வாடித் துன்பமிக உழன்று - பிறர் வாடப் பல செயல்கள் செய்து நரை கூடிக் கிழப் பருவம் எய்தி கொடுங் கூற்றுக்கிரையெனப் பின் மாயும் பல வேடிக்கை மனிதரைப் போல நான் வீழ்வேன் என்று நினைத்தாயோ?" ‍‍‍
-பாரதி

Sunday, August 2, 2009

எம லோகம் போகலாம் வாடி தாயே!!


மலையக நாட்டார் பாடல் - 01 இங்கே



கண்டிக்குத்தான் போறமுன்னு
கறி சோறு தின்னுப்புட்டு
தோணி ஏற மாட்டமுன்னு
தொங்கலிலே ஒழிஞ்சிக்கிட்டா
தங்க ரத்தினமே..! அவனந்
தொலைச்சுடுவான் ஆளுக்கட்டி
பொன்னே ரத்தினமே..!

தோணி வருகுதுண்ணு
துறைமுகமே காத்திருந்தேன்
தோணி கவுந்திருச்சே
துறைமுகமே ஆசையில்ல‌

கப்பல் வருகுதுண்ணு
கடற் கரையே காத்திருந்தேன்
கப்பல் கவுந்திருச்சே
கடற் கரையே ஆசையில்ல‌

எட்டடி குடிசையிலே
இருப்பது நியாயமில்லே
எம லோகம் போகலாம் வாடி தாயே
எம லோகம் போகலாம் வாடி தாயே!!

பட்டுப் பாவாடைக் கட்டி
பகட்டு மினுக்கி கொண்டு
பரதேசம் போகலாம் வாடி தாயே
பரதேசம் போகலாம் வாடி

கங்காணி கோவத்துக்கும்
காட்டுத் தொங்க ஏத்தத்துக்கும்
இந்த இடைஞ்சலிலே
இனி இருக்க நியாயமில்லே
வாடி செவத்தப் புள்ள‌
வதுளை பக்கம் போய் பொழைப்போம்..!!!!
Post a Comment
.