பாழான நாள்

ரணமாய் வலிக்குது உடம்பு,
தறிக்கெட்டு ஓடுது மனது,
ஏன் எனக் கேட்டது அறிவு,
விதி என்று சொல்லுது உறவு.

இரத்தத்தில் சிவக்குது பூமி,
சித்தத்தில் கலங்குது உறுதி,
மொத்தத்தில் எழுகிறது இறுதி.

ஆள் ஒன்றுசேர்கின்றனர் தானாய்,
தாள் பற்றி உழைக்கின்றனர் மாடாய்,
மீள் எழ நினைக்கின்றனர் மேலாய்,
நாள் ஒன்று கரையுது பாழாய்.


திரு.மை.பன்னீர்செல்வம்
நூல்- சில முகங்களும் பல முகமூடிகளும்.